Sahitya Jibana

Portal on odia literature

ନାରୀ ସଶକ୍ତିକରଣ – ଶମ୍ଭୁନାଥ ଦାସ , କୋଲକାତା

1 min read
seashore under white and blue sky during sunset
               ନାରୀ ସଶକ୍ତିକରଣ 
*********************************
ଯେଉଁ ଦେଶେ ନାହିଁ          ନାରୀଙ୍କୁ ସମ୍ମାନ
              ସେ’ ଦେଶେ ଥାଏ ପତନ,
ସେଥିପାଇଁ ପରା            ନାରୀ ପାଇଁ ଲୋଡ଼ା
              ସ୍ନେହ ସୁରକ୍ଷା ଆଇନ ।

ସତ୍ୟ-ଯୁଗେ ଦୁର୍ଗା           ପ୍ରତି କାମନାରେ
               ମହିଷାସୁର ନିଧନ,
ତ୍ରେତୟା ଯୁଗରେ           ରାବଣର ମୃତ୍ୟୁ
              ସୀତା-ହରଣ କାରଣ ।

ଦ୍ୱାପରେ କୌରବ             ନିପାତ କାରଣ
               ଦ୍ରୌପଦୀ’ଙ୍କୁ ଅସମ୍ମାନ,
ପ୍ରମାଣ ପ୍ରତୀକ              ଆମ ସମାଜର
                ବିଧି-ବିଧାନ ଚିନ୍ତନ ।

ନାରୀଙ୍କୁ ସମ୍ମାନ               ଆଇନ କାନୁନ
              ନ ହୋଇବାରୁ ଭରଣ,
ସାରା ଭାରତରେ             ଉଡ଼ୁଅଛି ବାନା
               ନାରୀ ସଶକ୍ତିକରଣ ।

ଆଇନ ବ୍ୟବସ୍ଥା              ଏମନ୍ତ ବିଚିତ୍ର
              ଗଳାବାଟ ଯଜ’ ପ୍ରଚ୍ଛନ୍ନ,
ପାପୀ ଅତ୍ୟାଚାରୀ           ଯାଉଛନ୍ତି ଖସି
              ଆଖିରେ ଧୂଳି ଫିଙ୍ଗିଣ ।

ଶ୍ରଦ୍ଧା ଓ ସମ୍ମାନ             ସାଥେ ସ୍ଵାଗତମ
               ନାରୀ ସଶକ୍ତିକରଣ,
କନ୍ୟା’ଠୁ ଜନନୀ           ଦେବୀ ଓ ଧରିତ୍ରୀ
             ସର୍ବେ ମୋ’ ହୃଦେ ପୂଜନ ।?

ଶମ୍ଭୁନାଥ ଦାସ (ମୁଖ୍ୟ ସମ୍ପାଦକ : ଅଭିଯାନ)
ସମ୍ଭ୍ରାନ୍ତ ଓଡ଼ିଆ ସାହିତ୍ୟ ପତ୍ରିକା / କୋଲକାତା