Sahitya Jibana

Portal on odia literature

ନବବର୍ଷ – ଅଶୋକ କୁମାର ନାୟକ 

1 min read

 

ଅଭିଷେକେ ତ ଅଭିନନ୍ଦନ, 

ନୂଆ ପ୍ରାଣରେ ମନୋନୟନ ।

ପୂର୍ବ ଜୀବନ ପରିବର୍ତ୍ତନ, 

ନୂଆ ମନରେ ନୂଆ ଜୀବନ ।

ନବବର୍ଷର ଏ ଅଭିଷେକ, 

ନୂଆ ଆଲୋକେ ଆଣେ ପୁଲକ ।

ଜୀବନଟା ଫୁଲ ଗୋଲାପର, 

ଏ ଅଭିଷେକ ସ୍ନେହ, ପ୍ରେମର ।

ଦେବାନି ଦୁଃଖ କାହା ମନକୁ, 

ଯୋଡ଼ିବା ବନ୍ଧୁତ୍ୱର ଡୋରକୁ ।

ଅତୀତ ଦୁଃଖ ଭୁଲିଣ ଯିବା, 

ନବବର୍ଷେ ସୁଚିନ୍ତା ଲୋଡ଼ିବା ।

ସଜାଡ଼ି ଏକ ନୂଆ ସୁଯୋଗ, 

ପର ଆପଣା ନ କରି ଭାଗ ।

କିଣିନେବାରେ ସବୁରି ମନ, 

ନବବର୍ଷ ଅଭିଷେକ ଦିନ ।

ସ୍ୱର, ଛନ୍ଦ, ତାଳେ ନୂଆ ଗୀତ, 

ନବ ସପନେ ଗାଅରେ ମିତ ।

ହସିବା ଆମେ ସାରା ବରଷ, 

ଦୁଃଖ ଚିନ୍ତାରୁ ହେବା ଉଶ୍ୱାସ ।

ରାଗ, ରୁଷା ସବୁ ଅଭିମାନ, 

ଭୁଲିଯିବା ଆମେ ଭାବି ସ୍ୱପ୍ନ ।

ସ୍ମୃତି ଭରିଣ ନୂଆ ଜୀବନେ, 

ହସାଇବା ପଣ ରଖି ମନେ ।

ମନ ରଙ୍ଗରେ ରଙ୍ଗେଇ ଦେବା, 

ପ୍ରଜାପତି ପରି ଉଡ଼ି ବୁଲିବା ।

ଦେବାନି ଦୁଃଖ କାହା ମନରେ, 

ସୁଖ ଭରି ପ୍ରତି ହୃଦୟରେ ।

ଭୁଲି ହୃଦୟେ ବାଦ ବିବାଦ, 

ନବବର୍ଷରେ ମିଳୁ ଆନନ୍ଦ ।

ନବବର୍ଷର ଏ ଶୁଭ ଦିନ, 

ହସଖୁସିରେ ବିତୁ ଜୀବନ ।

 

   ଶ୍ରୀ ଅଶୋକ କୁମାର ନାୟକ 

           କେନ୍ଦୁଢି଼ପି, ନୟାଗଡ଼

Copyright © Sahitya Jibana | Newsphere by AF themes.
Open chat
Hello
How can you help we?