Sahitya Jibana

Portal on odia literature

ପ୍ରେମର ସଂଜ୍ଞା – ଶ୍ରୀ ଡମ୍ବରୁଧର ବେହେରା

1 min read

ଶରୀର ଏବଂ ଶରୀର ମିଳନ
ପ୍ରେମ ନୁହେଁ
ପ୍ରେମ ହେଉଛି ଆତ୍ମାର ବନ୍ଧନ
ତୁମେ କରୁଥିବା କାର୍ଯ୍ୟ ପ୍ରେମ ନୁହେଁ
ପ୍ରେମ ହେଉଛି ଆତ୍ମା ​​ପାଇଁ ଆତ୍ମାର ସମ୍ମାନ
ତୁମେ ଯାହା କହୁଛ ତାହା ପ୍ରେମ ନୁହେଁ
ପ୍ରେମ ହେଉଛି ଏକ ବାର୍ତ୍ତାଳାପ
କାଗଜ ଉପରେ ହାତ ଲେଖା ଚିଠି ନୁହଁ
ପ୍ରେମ ହେଉଛି ଜଣେ ବ୍ୟକ୍ତି ପାଇଁ ବ୍ୟକ୍ତିର ସନ୍ଧାନ
ପ୍ରେମ ଲାଞ୍ଛନା,ତାଡନା,ପ୍ରତାରଣା ନୁହେଁ
ପ୍ରେମ ହେଉଛି ସହାନୁଭୂତି,
ପ୍ରେମ ସ୍ୱାର୍ଥର ଅଧୀନ ନୁହେଁ
କି ପ୍ରେମରେ
କେହି କାହାର ପରାଧୀନ ସ୍ବୀକାର କରେ ନାହିଁ
ପ୍ରେମ କେବଳ ପ୍ରେମ ପାଇଁ ଉଦ୍ଦିଷ୍ଟ
ରୀତି,ନୀତି,କିମ୍ବଦନ୍ତୀ
ଏହା ଠୁଁ ଅଧିକ କିଛି ନୁହଁ
ପ୍ରେମର ସେମିତି କିଛି ନ ଥାଏ
କ୍ରିୟା ଓ ପ୍ରତିକ୍ରିୟା
ଏହା ଏକ ଶବ୍ଦ
ଭାବ,ଭାବନାର
ମନ,ପ୍ରାଣ,ହୃଦୟର
ଏହା ଏକ ହାତ ଲେଖା ପାଣ୍ଡୁଲିପି ନୁହଁ
କି ଦସ୍ତାବିଜ ନୁହଁ
ତୁମେ ଯାହା କହୁଛ ତାହା ନୁହେଁ
ତୁମେ ଯାହା ନ କୁହ
ତୁମେ ଯାହା ଦେଖ ତାହା ନୁହଁ
ତୁମେ ଯାହା ନ ଦେଖ
ତୁମେ ଯାହା ଭାବ ତାହା ନୁହଁ
ତୁମେ ଯାହା ନ ଭାବ
ତାହା ପ୍ରେମ
ଶାଶ୍ଵତ ଚିରନ୍ତନ…।

ଶ୍ରୀ ଡମ୍ବରୁଧର ବେହେରା, ଶିକ୍ଷକ
ନବୋଦୟ ବିଦ୍ୟାଳୟ
ସୁରଳ (ଗଞ୍ଜାମ)
ୱାଟସପ ନଂ -୯୪୩୭୭୮୮୪୬

Leave a Reply

Copyright © Sahitya Jibana | Newsphere by AF themes.