Sahitya Jibana

Portal on odia literature

ରାକ୍ଷୀ – ସୁଦାମ ଦଳବରା

1 min read

 

ନାଲି ନୀଳ ରଙ୍ଗ ଫିତା ନୁହେଁ ଖାଲି ।
ଭଉଣୀ ପ୍ରେମର ସନ୍ତକ ଟିଏ ।।
ଭାଇ ହାତେ ଭଉଣୀ ବାନ୍ଧି ଦେଇ ତାକୁ ।
କେତେ ଆତ୍ମ ସନ୍ତୋଷ ସେ ପାଇ ଥାଏ ।।

ରାକ୍ଷୀର ମହତ୍ତ୍ୱ ଭାବ ସିଏ କାହିଁ ବୁଝିବ ।
ଭଉଣୀ ଠାରୁ ଯିଏ ଦୂରେଇ ରହିବ ।।
ଭାଇଟିଏ ନାହିଁ ବୋଲି କେତେ କଷ୍ଟ ପାଉଛି ।
ରାକ୍ଷୀଟିଏ ଧରି ସିଏ ମନ ମାରି ରହୁଛି ।।

ସୂତାର ଡୋରୀ ତ ଭାବିବାନି ତାକୁ ।
ସ୍ନେହ ଆଦରର ନମୁନା ସିଏ ।।
ଭାଇ ହାତେ ଭଉଣୀ ବାନ୍ଧି ନପାରିଲେ ।
କେତେ ଦୁଃଖ ପୁଣି ସିଏ ପାଏ ।।

ସମ୍ପର୍କର ସେତୁ ସୁଦୃଢ଼ ପାଇଁ ।
ରାକ୍ଷୀ ବାନ୍ଧିବାକୁ ଆସଇ ଭାଇ ।।
ଭାଇ ହାତେ ଭଉଣୀ ବାନ୍ଧି କହଇ ।
ମୋ ଜୀବନ ସୁରକ୍ଷା କରିବୁ ତୁହି ।।

ଭାଇ ଭଉଣୀର ଅତୁଟ ବନ୍ଧନ ।
ଯୁଗେ ଯୁଗେ ତାହା ରହିଅଛି ଜାଣ।।
ଭଉଣୀକୁ ସିଏ ସୁରକ୍ଷା ଦେଉଛି ।
ସୁରକ୍ଷା କବଚ ତାର ସାଜି ଅଛି ।।

ସୁନା ରୂପା ଠାରୁ ନୁହେଁ ସିଏ ସାନ ।
ରାକ୍ଷୀ ପୂର୍ଣ୍ଣିମାରେ କେତେ ତାର ମାନ ।।
ଭଉଣୀର ସ୍ନେହ ଶ୍ରଦ୍ଧା ସମ୍ମାନ ପାଇଁ ।
ଭାଇ ରହିଥାଏ ଦିନଟି ଚାହିଁ ।।

ଭଉଣୀ ଅଝଟ ସହିବା ପାଇଁ ।
କେତେଯେ ଭାବନା ସେ କରିଥାଇ ।।
ଯେତେ ସ୍ନେହ ପ୍ରେମ ଅଜାଡି ଦିଏ ।
ଅତୁଟ ବନ୍ଧନ ପ୍ରମାଣ ସିଏ ।।

ରାକ୍ଷୀକୁ ଛୋଟିଆ ନଭାବି ମନେ ।
ବାନ୍ଧି ହୋଇଯିବା ସ୍ନେହ ବନ୍ଧନେ ।।
ବିପଦ ଆପଦ ରକ୍ଷା ରକ୍ଷଣ ।
ଭାଇଙ୍କ କର୍ତ୍ତବ୍ୟ ରହିଛି ଜାଣ ।।

ରାକ୍ଷୀର ପାଉଣା ଭାଇର ସ୍ନେହ ।
ସବୁ ଭଉଣୀଙ୍କ ରହୁ ଏହି ଗୋଟିଏ ମୋହ ।।
ସମ୍ପର୍କରେ କେବେ ଫାଟ ଦେବାନି ।
ରାକ୍ଷୀ ପୂର୍ଣ୍ଣିମାକୁ ଭୁଲି ଯିବାନି ।।

ଭାଇ ଯେତେବେଳେ ସହାୟ ହେବ ।
ଭଉଣୀ ରାକ୍ଷୀର ମହତ୍ତ୍ୱଭାବ ବୁଝିବ ।।
ରାକ୍ଷୀ ନୁହେଁ ଇଏ ଛୋଟିଆ ଫିତା ।
ଭାଇ ପାଇଁ ଭଉଣୀ ଜଗତ ଜିତା ।।

 ଶ୍ରୀ ସୁଦାମ ଦଳବରା (ଶିକ୍ଷକ)
ତୁରୁମୁ , ଭଞ୍ଜନଗର, ଗଞ୍ଜାମ

Leave a Reply

Copyright © Sahitya Jibana | Newsphere by AF themes.