ରଜପର୍ବ – ଗଗନ କୁମାର ଦାଶ

ବରଷକେ ଥରେ ଆସିଛି ରଜ ଲୋ

ଶୁକ୍ଳ ପକ୍ଷ ଜ୍ୟେଷ୍ଠ ମାସେ,

ତିନି ଦିନ ଧରି ପାଳନ କରନ୍ତି

ଆମରି ଭାରତ ଦେଶେ ।

ପ୍ରଥମ ଦିନକୁ ଆଦ୍ୟ ରଜ କହି

ମଧ୍ୟ ରଜ ପର ଦିନ,

ତୃତୀୟ ଦିନଟି ଶେଷ ରଜ ହୁଏ

ଆନନ୍ଦିତ ହୁଏ ମନ ।

ରଜଃସ୍ବଳା ହୁଏ ବସୁମତୀ ମାତା

ଲକ୍ଷ୍ମୀ ଗାଧୁଆ ହୁଅଇ,

ରଜ ଦୋଳି ପଡେ ଝୁଲା ଝୁଲି ହୁଏ

ଆନନ୍ଦେ ଦିନ ବିତଇ ।

ଚଷା ଭାଇ ପୂଜେ ପ୍ରକୃତି ଦେବତା

ଏ ବର୍ଷ ଫସଳ ପାଇଁ,

ଜଗତ ର ସାରା ଖାଦ୍ୟ ଯୋଗାଇବ

ସହା ହୁଅ ମହାମାୟୀ ।

କୁମାରୀ କନ୍ୟାଙ୍କ ବେଶ ଓ ପୋଷାକ

ଅତିବ ସୁନ୍ଦର ଦିଶେ,

ପାନ ଖିଲ ଖାଇ ରଜ ଗୀତ ଗାଇ

ବୁଲନ୍ତି ମନ ହରସେ ।

ରଜ ପରବରେ ମାଆ ମାଉସୀ ଏ

ପରିବା କଟନ୍ତି ନାହିଁ,

ପୃଥିବୀ ଉପରେ ଶୌଚ କର୍ମ କ୍ରିୟା

ବାରଣ ପୁଣି ଅଟଇ ।

 ଗଗନ କୁମାର ଦାଶ

ଶୁଭଙ୍କର ନିବାସ

ମାଁ ମାଣିକେଶ୍ଵରୀ ମନ୍ଦିର ସାହି

ମୋହନା, ଗଜପତି-୭୬୧୦୧୫