Sahitya Jibana

Portal on odia literature

ଫିକା ହୋଇଛି ରଜ – ଶୁଭ୍ରାଂଶୁ ଭୂଷଣ ମେହେର

1 min read

ଫିକା ଫିକା ଲାଗେ ରଜ ଆଜି ପୁଣି

ନାହିଁ ଆଗପରି କାହିଁ

କରୋନା କବଳେ ସର୍ବେ କବଳିତ

ନେଇଛି ହସ ଛଡେଇ l

ରଜ ପାନ ଖାଇ ମୁହଁକୁ ହଲେଇ

ନାହିଁ ସେ ହସ ଉଲ୍ଲାସ

ପଶାଖେଳ ନାହିଁ ରଜ ଦୋଳି କାହିଁ

ସବୁରି ମନେ ବିରସ l

ପୁଡା ପିଠା ଭାଇ ଖୋଜିଲେକି ପାଇ

ଯାହା ହୋଇଛି ସପନ

କୁଆଁରୀ ମନର ହସ ଛନ ଛନ

ହୋଇଛି ଆଜି ମଳିନ l

ରଜ ସଜ ବାଜ ନାହିଁତ ମଉଜ

ନାହିଁ ସେହି ବେଶ ଠାଣି

ସେ ରଙ୍ଗ ଅଳତା କଜଳର ଗାର

ହଜିଛି ସେଇ ଚାହାଁଣି l

ରଜ ସଜ ବାଜ ଅସଜ ହୋଇଛି

ମୁଖେ ହସ ଆଉ ନାହିଁ

ଫିକା ଫିକା ଲାଗେ ଏ ରଜ ପୂର୍ଣ୍ଣିମା

ମୁହଁରୁ ହସ ଛଡେଇ l

 

ଶୁଭ୍ରାଂଶୁ ଭୂଷଣ ମେହେର

ମୁଁ /ପୋ -ସାଲେପାଲି

ଭାୟା -jarasingha

ଜିଲ୍ଲା -ବଲାଙ୍ଗୀର

Leave a Reply