ଆସିଛି ରଜ – ମଧୁସ୍ମିତା ନାୟକ

ଆସିଅଛି ଆଜି ରଜ ମଉଜ ।

ପୋଡ଼ ପିଠା ସଙ୍ଗେ ଆହାକି ସଜ ।।

ପାଦରେ ଅଳତା ମଥାରେ ବିନ୍ଦି ।

ହାତରେ ମେହେନ୍ଦି ପାଦେ ପାଉଁଜି ବାନ୍ଧି ।।

ରଜ ରାଣୀ ଆସିଛି ଆମ ଘରକୁ ।

ସ୍ବାଗତ କରିବା ଦେଇ ପୋଡ଼ ପିଠାକୁ ।।

ପ୍ରଥମ ଦିବସ ତାକୁ ସଜେଇ ଦେବା ।

ଦିତୀୟ ଦିନରେ ଦୋଳି ବାନ୍ଧି ଖେଳିବା ।।

ରଜ ପାନ ସଙ୍ଗେ ଝିଅଙ୍କ ମେଳି ।

ପୁଅ ମାନଙ୍କ ତାଆସେ ପଡ଼ୁଚି ହୁରୀ ।।

ରଜ ଗୀତ ଗାଇ ଦୋଳିରେ ଝୁଲି ।

କୁଆଁରୀ ଙ୍କ ମଜା ଗାଆଁ ଦାଣ୍ଡରେ ଖେଳି ।।

ମଧ୍ୟମ ଦିବସେ ସଙ୍କରାତି ଆସିବ ।

ଠାକୁରଙ୍କ ପୂଜା ମନ୍ଦିରରେ ହେବ ।।

ଚତୁର୍ଥ ଦିନଟି ଜଣା ବସୁମତୀ ସ୍ନାନ ।

ପ୍ରଭାତେ ଉଠିବ ଶୁଣି କୋକିଳ ଗାନ ।।

ମୌସୁମୀର ଆଗମରେ ସେଇ ଦିନଟି ।

ଧରଣୀ ଗାଧୋଇ ଲଙ୍ଗଳ ଛୁଇଁବ ମାଟି ।।

ରଜ ସ୍ଵଳା ଥିଲା ମୋର ଧରଣୀ ରାଣୀ ।

ଭିଜେଇବ ବରଷା ତାକୁ ଦେଇ ତା ପାଣି ।।

ଏହି ଦିନ ମାନ ର ଅତି ମହତ୍ତ୍ଵ ଥୁଆ ।

କୁମାରୀ ମାନେ ଚାଲନ୍ତି ପିନ୍ଧି ପଟୁଆ ।।

ଘର କାମ ନାହିଁ ତାଙ୍କ ନାମରେ ଯୋଡ଼ା ।

ସେଇ ମାନେ ରଜ ରାଣୀ ବୋଲନ୍ତି ପରା ।।

ମଧୁସ୍ମିତା ନାୟକ

ମଣିଆ, ଟାଙ୍ଗୀ, କଟକ