Sahitya Jibana

Portal on odia literature

ମାଆ – କାହ୍ନୁ ଚରଣ ସାହୁ

1 min read

ଦଶମାସ ଦଶ ଦିନ ଗରଭରେ ଧରି
ଦିଏ ସେ ଆମକୁ ଜନମ
ସ୍ନେହ ମମତାର ଅଭାବ ନ ଥାଏ
ବୁଝିଥାଏ ସବୁ ମରମ ।

ଜନମିବା ଠାରୁ ମରିବାର ଯାଏଁ
ପାଉଥାଏ ସିଏ ଭଲ
ବାନ୍ଧି ରଖିଥାଏ ପ୍ରେମ ବନ୍ଧନରେ
ଦେଇକି ପାରିବ ତା ମୂଲ ।

ସୁଖରେ ଦୁଃଖରେ ସବୁବେଳେ ଥାଏ
ସହିଯାଏ ଯେତେ କଷ୍ଟ
ଦୀପଟିଏ ହୋଇ ନିଜେ ଜଳି ଜଳି
ଚାଲିବା ଶିଖାଏ ବାଟ ।

କାରିଗର ସାଜି ଗଢି ସେ ତୋଳଇ
ଆମକୁ କେତେ ଯତନେ
ଉଣା କରେ ନାହିଁ କେବେ ତା ମମତା
ଭାଳୁଥାଏ ରାତି ଦିନେ ।

ଦେଖେ ନାହିଁ କେବେ କ୍ଷତି ଅବା ଲାଭ
ଛୋଟରୁ ସେ ବଡ଼ କରଇ
ସ୍ନେହ ମମତା ଓ କ୍ଷମାର ସାଗରେ
ନିତି ସେ ଦିଏ ଗାଧୋଇ ।

ଆକାଶ ଠାରୁ ବିଶାଳ ହୃଦୟ ତାର
ସାଗରଠୁ ଗଭୀର ଭାବନା
ମାଆ ପରା ସେଇ ସାକ୍ଷାତ ଈଶ୍ୱରୀ
ନଥାଏ ତାଠି କେବେ ଛଳନା ।।

କାହ୍ନୁ ଚରଣ ସାହୁ
ପଣ୍ଡକାମାଳ, ମ.ରାମପୁର, କଳାହାଣ୍ଡି
(ବହୁତ ଦିନର ପୁରୁଣା କବିତା ଟିଏ)ସ୍କୁଲ ଦିନର

Copyright © Sahitya Jibana | Newsphere by AF themes.