ନାରୀ ସଶକ୍ତିକରଣ
==================
ନାରୀ କେବେ ମାଆ  କେବେ ଭଗ୍ନୀ ଜାୟା
          ମମତାର ପୂଜା ଫୁଲ
ଏଇ ଦୁନିଆରେ  କେତେ ରୂପ ତା'ର
        କିଏ ହେବ ତା'ର ତୁଲ l
କେବେ ସତୀ ସୀତା  କେବେ ସେ ଦ୍ରୌପଦୀ
        କେବେ ରାଣୀ ଲକ୍ଷ୍ମୀବାଇ
କେବେ ସେ ଦେବକୀ  କେବେ ସେ ଯଶୋଦା
        ଆଉ କେବେ ମୀରାବାଇ l
ମମତାରେ ଭରା  କରୁଣାମୟୀ ସେ
      ପ୍ରେମ ମନ୍ଦାକିନୀ ଧାରା
ଭୟଙ୍କର ରୂପ  ଧରିଲେ ସେ ଥରେ
      ପାଲଟଇ ଉଗ୍ରତାରା  l
ରୂପରେ ଗୁଣରେ  ନାହିଁ ତା' ତୁଳନା
    ଅଟେ ସିଏ ସର୍ବୋତ୍ତମା
ଗଙ୍ଗା ଠୁ ପବିତ୍ର  ଅମୃତର ଧାରା
     ଏ ସୃଷ୍ଟିରେ ଅନୁପମା  l
ନାରୀ ଯେଉଁଠାରେ  ପୂଜା ପାଉଥାଏ
    ତୋଷନ୍ତି ସର୍ବ ଦେବତା
ନାରୀକୁ ଯେ ଜନ  ଦିଅଇ ସମ୍ମାନ
    ସହାୟ ତା'କୁ ବିଧାତା  l
ଧରିତ୍ରୀ ପରିକା  ବଡ଼ ସହିଷ୍ଣୁ ସେ
        ସବୁକିଛି ଯାଏ ସହି
ଯେତେ ଦୁଃଖ ଯେତେ  ଯନ୍ତ୍ରଣା ଆସିଲେ
      ପାରେନା କାହାକୁ କହି l
ଚଉରା ମୂଳର  ସଳିତାଟେ ପରି
       ନିତି ଜଳୁଥାଏ ସିଏ
ଅନ୍ଧାରକୁ ଢାଙ୍କି  ଆଲୋକ ଯୋଗାଏ 
     ତା' ପରିକା ହେବ କିଏ l

ରାମ ଚନ୍ଦ୍ର ପ୍ରଧାନ, ଶିକ୍ଷକ
ସାନ୍ତରାପଲ୍ଲୀ, ଗଞ୍ଜାମ
ମୋ:9861638736