ନାରୀ ମହାଲକ୍ଷ୍ମୀ   ଦୁହିତା ଜନନୀ
       ଅମୃତ ର ନଈଧାର
ଯାହାର ପରଶେ       ଦିବାରାତି ହସେ
       ସୁନା ର ଘର ସଂସାର । ( ୧ )

ଲକ୍ଷ୍ମୀଙ୍କ ସଙ୍ଗତେ      ବିଷ୍ଣୁ ରହିଛନ୍ତି
        ଶିବ ସଙ୍ଗତେ ପାର୍ବତୀ
ନାରୀ ବିନା କେବେ      ସୃଷ୍ଟି ସମ୍ଭବ କି
        ନାରୀ ପରା ଆଦ୍ୟାଶକ୍ତି । ( ୨ )

ଲକ୍ଷ୍ମୀବାଇ ପରି      ବୀରାଙ୍ଗନା ରସ
        ଯେଉଁ ଧମନୀ ରେ ବହେ
ଆଜିର ଦିନରେ     ସେହି ଦେଶେ ପୁଣି
         " ଅଭୟା " ଧର୍ଷିତା ହୁଏ । ( ୩ )

ସ୍ଥିତି ବଦଳିବ      ପ୍ରଗତି ବଢ଼ିବ
     ନାରୀ ହେଲେ ଏକତ୍ରିତ
ପାଉଁଶ ଗଦାରୁ       ନିଆଁ ଜଳିଯିବ
       ସଭିଏଁ ହେଲେ ଜାଗ୍ରତ । ( ୪ )

ଏମାଟି ଜନମି     ରମାଦେବୀ ପରି
     କେତେ ମହିୟସୀ ନାରୀ
ଗଭୀର ସମୁଦ୍ରେ     ଲମ୍ଫଦେଉଥିଲେ
      ହାତେ ତରବାରୀ ଧରି  । ( ୫ )

ଏକତ୍ରିତ ହେଇ      ଆସନ୍ତୁ ସଭିଏଁ
        ଗଢ଼ିବା ଆମରି ଦେଶ
ଅଭୟା , ବେବିନା    ବଳି ପଡିବେନି
        ଫୁଟାଇ ଦେବାରେ ହସ । ( ୬ )

ହେମନ୍ତ ନାଏକ ,
କିରାବାହାଲ , ଜୁରିଆ , ପାଟଣାଗଡ଼
ଜି. ବଲାଙ୍ଗୀର
ମୋ . 8658248218 / 8144424930