ନାରୀ ହିଁ ଜନନୀ ନାରୀ ହିଁ ଭଗିନୀ
     ସଂସାର ସୃଷ୍ଟି କାରିଣୀ
ନାରୀ ହିଁ ଆଦର୍ଶ ନାରୀ ହିଁ ବିନାଶ
    ରୂପେ ମହିଷାମର୍ଦ୍ଦିନୀ।
ନାରୀ ହିଁ ପୁରାଣ ନାରୀ ରାମାୟଣ
    ଚରିତ୍ରର କେନ୍ଦ୍ର ବିନ୍ଦୁ
ନାରୀ ସର୍ବସଂହା ରଚେ କେତେ ମାୟା ଅଗାଧ ସାଗର ସିନ୍ଧୁ।
ନାରୀ ନାରାୟଣୀ ବିଶ୍ବର କଲ୍ୟାଣୀ
    ବିଦୁଷୀ ସେ ସୁଶାସିକା
ନାରୀ  ସ୍ଵଂୟ ସିଦ୍ଧା ହୋଇ ମହା ଯୋଦ୍ଧା ଇତିହାସେ ଅଛି ଲେଖା।
ନାରୀ ହିଁ ପରୀକ୍ଷା ନାରୀ ହିଁ ନିରୀକ୍ଷା
  ସଭ୍ୟତାର ମୂଳ ଦୁଆ
ନାରୀ ହିଁ ପ୍ରଗତି ନାରୀ ହିଁ ଜାଗୃତି
    ଯୁଗେ ଯୁଗେ ବନ୍ଦନୀୟା।
ନାରୀ ହିଁ ପବିତ୍ରା ନାରୀ ହିଁ ପୂଜିତା
   ସର୍ବ ଗୁଣେ ପରିପୂର୍ଣ୍ଣା
ମ‌ହାସତୀ ଗାଥା ସାବିତ୍ରୀ ଓ ସୀତା
      ଜଗତେ ‌ହୋଇଛି ଧନ୍ୟା।
ନାରୀ ବିପ୍ଳବୀଣୀ ସକଳ କ୍ଷେତ୍ରରେ
   ଶୁଣାଇଛି ତାର ଗାଥା
କି! ଜଳ କି! ସ୍ଥଳ ଆକାଶ ପଥରେ
     ଦର୍ଶାଏ ତା  ନୈପୁଣ୍ୟତା।
ଶିକ୍ଷା, କ୍ରୀଡା,ତଥା ସବୁଠି ହୁଅଇ
     ନାରୀ ଚଚଚତ ବିଷୟ
ପୁରୁଷ ପୁଙ୍ଗବ ସମାଜରେ ଆଜି
   ନାରୀ  କାର୍ଯ୍ୟ ହୁଏ ଜୟ।
ନା୍ରୀକୁ ଅବଳା ଦୁର୍ବଳା ନଭାବ
  ତା ପାଖେ ଶକ୍ତି ନିହିତ
ନାରୀ ଶକ୍ତି ବିନା ସମାଜ କଲ୍ୟାଣ
   ହୋଇଥାଏ ପରାହତ।
ଆଜି ସମାଜରେ ମୁଣ୍ଡ ଟେକିଅଛି
  ନାନା ନାରୀ ନିର୍ଯ୍ୟାତନା
କିପରି ହୋଇବ ସଶକ୍ତିକରଣ
   ତାର ପ୍ରତିକାର ବିନା।
ସରକାରଙ୍କର ପଦକ୍ଷେପ ଯେତେ
   ନାରୀ ସଶକ୍ତିକରଣେ
କାର୍ଯ୍ୟ ସିଦ୍ଧ ‌ହେଉ ଲକ୍ଷ୍ୟ ପୁରଣରେ
   ଯଥା ଉଚିତ ବିଧାନେ।

ନଳିନୀ ପ୍ରଭାମିଶ୍ର
ମୁକୁନ୍ଦ ପୁର, ଆସ୍କା, ଗଞ୍ଜାମ
ମୋ-୯୭୭୭୮୮୭୯୪୨