କୃଷକ
   ,,,,,,,,,,,,,,,,,,,,,
ଓଡିଶା କୁହୁକ   ଓଡ଼ିଆ କୃଷକ
       ସାରା ରାଇଜେ ମହକ
ମାଟିର ମଣିଷ  ଜଗତକୁ ହସ
      ଓଡ଼ିଆ ଜାତିର ଟେକ।।
ରାଇଜ ଉତ୍କଳ   କୃଷକ ତା ବଳ
      କରି କୃଷି ଉତ୍ପାଦନ,
ନାନା ଜାତି ଶସ୍ୟ  ଧାନ ମୁଖ୍ୟ ଚାଷ
     ଖାଦ୍ୟ ପାଇଁ ପ୍ରୟୋଜନ।।
ପର ବିଲେ କୃଷି   ବାଣ୍ଟି ହସଖୁସି
    କହେ ଇତିହାସ କଥା,
ପେଟ ପାଇଁ ଦାନା  ଦେହେ ଛିଣ୍ଡାକନା
   ଉଡାଇ ନୁଖୁରା ମଥା।।
କେତେ ଭାଗ ଚାଷୀ  ଆପଣେଇ କୃଷି
       ଅମଳ ଫସଲ ଅଧା,
ଅସମୟେ ବଢି  ଅକାଳେ ମରୁଡି
     ପଡୁଛି ଅକଳେ ବନ୍ଧା।।
କପାଳ ଲିଖନ  ଯାତନା ଦହନ
     କିଏ ତାର ନିର୍ବିପାକ,
ଅକୁହା ବେଦନା  ଭୋକିଲା ବାସନା
    ଚିର ସାଥି ଦୁଃଖ ଶୋକ।।
ଭୋକିଲା ଉଦର  ଚାଷକୁ ଆଦର
    ନାହିଁ ମୋହ ମାୟା ଲୋଭ,
କୃଷକ ସମାଜ  ହସାଇ ରାଇଜ
     ରଖିନି କିଛି ହିସାବ।।
କୃଷକ ଯୋଜନା  ସଦା ବାଟବଣା
     ହେଉନି ବିହନ ଗଜା,
କୃଷି ଯନ୍ତ୍ର ପାତି  ମିଳୁନି ରିହାତି
    ବାଜୁଛି ସହରେ ବାଜା।।
ବଳକା ଫସଲ  ଠୁଳ।ଏ ଦଲାଲ
    ମିଳେନି ସଠିକ ମୂଲ,
ଉଧାର କରଜ  ସୁଝିବାକୁ ବୋଝ
    ହୁଏ ଡହଳ ବିକଳ।।
କୃଷକ ଉନ୍ନତି  ରାଇଜେ ପ୍ରଗତି
    ଆପଣେଇ ନୂଆ ନୀତି,
କୃଷି ଗବେଷଣା  କୃଷକ ଭାବନା
    ମିଶିଲେ ବଢିବ ଜାତି।।
କୃଷକ ମହିମା କୃଷକ ଭାବନା
    କୃଷକର ପୁଣ୍ୟ କାମ,
ଯା ପାଇଁ ଜଗତ ଦେଶ ବିକଶିତ
   କରିବା କୋଟି ସଲାମ।।
ଯବାନ କିଷାନ  ଜାତୀୟ ସ୍ଲୋଗାନ
   ସଂଯୋଗ ଜୟ ବିଜ୍ଞାନ,
ଦେଶ ଜାତି ପାଇଁ   ବୀରତ୍ୱ ଲଢେ଼ଇ
     ଚାଲିଥିବ ଚିରଦିନ।।
          ,,,,,,,,,,
ଜୟନ୍ତ କୁମାର ମହାନ୍ତି , ଶିକ୍ଷକ
ପିରାହାଟ ଶାନ୍ତି ଶୈଳେନ୍ଦ୍ର ଉଚ୍ଚ ବିଦ୍ୟାଳୟ, ଚନ୍ଦ୍ରକାଟ ବିନ୍ଧା, ପିରାହଟ, ଭଦ୍ରକ
ମୋବାଇଲ,,9437544026