** " ନାରୀ ସଶକ୍ତିକରଣ  " **

ପୁରୁଷଙ୍କ ପରି ନାରୀଟିର ମଧ୍ଯ
ଅଛି ସମ ଅଧିକାର ।
କେବେ ନାରୀଥିଲା ପାଦତଳ ଦାସୀ
ଏବେ ସେ କେତେ ଉପର ।।
ରହିନାହିଁ ଲୁଚି କବାଟ କୋଣରେ
ହାତେ ଓଢଣୀଟେ ଟାଣି ।
ପୁରୁଷଙ୍କ ସହ ସବୁ ବିଭାଗରେ,
ରହିଥାନ୍ତି ନିଜେ ପୁଣି ।।
ନାରୀ ପାଇଁ ସୃଷ୍ଟି ରହିଅଛି ତିଷ୍ଠି
ତଥାପି ଅଲୋଡା ହୁଏ ।
ଝିଅ ଭୃଣ ବୋଲି ଏ ମୁର୍ଖ ମଣିଷ
ଗର୍ଭ ନଷ୍ଟ କରିଦିଏ ।।
ବୁଝିପାରେ ନାହିଁ ଜନମିଛି ସିଏ
ଏଇ ନାରୀ ଗରଭରୁ ।
ପୁଅ ଝିଅ ଏଠି ସବୁତ ସମାନ
ଏକଥା ମନରେ ଭରୁ ।।
ମୁଖ୍ୟମନ୍ତ୍ରୀ ଠାରୁ ପ୍ରଧାନମନ୍ତ୍ରୀ ସେ
ପୁଣି ରାଷ୍ଟ୍ରପତି ହୁଏ ।
କେବେ ସେ ଉଡାଏ ବିମାନ ଏଠାରେ
କେବେ ମହାକାଶ ଯାଏ ।।
କେବେ ପେଟ ପାଇଁ ଟ୍ରକ ବସ ରେଳ
କେବେ ଅଟୋ ରିକ୍ସା ଟାଣେ ।
କେବେସେ ଦେଶର ସୁରକ୍ଷାରେ ରୁହେ,
କେବେ ନିର୍ଯାତନା ଶୁଣେ ।।
କେବେ କେବେ ନର ରାକ୍ଷସଙ୍କ ଯୋଗୁଁ 
ନିଜ ଜୀବନକୁ ହାରେ ।
କେବେ ନିଏ ମାଆ ଦୁର୍ଗା ଅବତାର
ଏ ପାପୀ ସଂହାର କରେ ।।
ନିଜକୁ ଦୁର୍ବଳା ନଭାବି ମନରେ
ଆସୁ ଆଗକୁ ଆଗେଇ ।
ପୁରୁଷଙ୍କ ସହ ଚାଲୁ ସେ ଆଗକୁ,
ପାଦରେ ପାଦ ମିଶାଇ  ।।

                 ***

ପ୍ରତାପ ଚନ୍ଦ୍ର ପ୍ରଧାନ,
ଆଳିପଡା, କଣାସ, ପୁରୀ, ୭୫୨୦୧୯