ନାରୀ ସଶକ୍ତିକରଣ 

ଟିକି ଚଢ଼େଇ କି କେବେ ଉଡ଼ିପାରେ.. 
କେବଳ ନିଜର ଗୋଟିଏ ଡେଣା ବଳେ !!
ଜୀବନ ରଥ ଟି ଚଳିବ କି ଭାଇ..
ପୁରୁଷ ସହ ନାରୀ ବି ସଶକ୍ତ ନ ହେଲେ !! (1)

ଜୀବନ ରଥ ର ଦୁଇ ଚକ ଯେବେ.. 
ଅଟନ୍ତି ପୁରୁଷ -ନାରୀ.. 
ସଂସାର ଟା ତେବେ କଣ ଅଚଳ ହେବନି?? 
ସକଳ ପ୍ରୟାସେ ପୁରୁଷ ଚାହିଁବ ଯଦି.. 
ହେବାକୁ ନାରୀ ଉପରେ ଭାରି !! (2)

ସରକାର ମଧ୍ୟ ଶତଚେଷ୍ଟିତ ଆଜି.. 
କରିବାକୁ ନାରୀ ସଶକ୍ତିକରଣ.. 
" ବେଟୀ ବଚାଓ, ବେଟୀ ପଢ଼ାଓ " ଠୁ
ଆରମ୍ଭ କରି ନାରୀ ଙ୍କ ସୁବିଧା ପାଇଁ.. 
ସମାଜେ ଲାଗୁ କେତେ ଯେ ନିୟମ, କେତେ ହେଁ କାନୁନ.. (3)

ସମାଜ ବନ୍ଧନ ଦେଇ ପାରିନି.. 
ନାରୀ ର ପାଦ ରେ ନିୟମ ବେଡ଼ି.. 
ଘର ର ଏରୁଣ୍ଡି ବନ୍ଧ କୁ ଡେଇଁ.. 
ଖୋଲିଛି ତ ସିଏ ନିଜ ସାହସ ପେଡ଼ି.. (4)

ଘର ବାହାର ସବୁ କାମ ରେ.. 
ସାବ୍ୟସ୍ତ କରିଛି ଯେ ସେ ଅଟେ ପ୍ରବୀଣା.. 
ଉଚିତ ସୁବିଧା ସୁଯୋଗ ପାଇ.. 
ଚେତେଇ ଦେଇଛି ସଂସାର କୁ ସେ ଯେ.. 
କେବେ ହେଁ ନ ଥିଲା ସେ ହୀନମନା.. (5)

ଦେଖେଇ ଦେଇଛି ସେ ଆଜିର ଜୀବନେ.. 
ଆଧୁନିକ ସମୟ ସମ୍ପୂର୍ଣ ଭିନ୍ନ.. 
ଅବଳା - ଦୁର୍ବଳା - ହିନବଳା ରୁ ସେ ସବଳା ସାଜି.. 
ପ୍ରତି କ୍ଷେତ୍ରେ ମଣ୍ଡିଛି ସଫଳତା ର ଚି଼ହ୍ନ.. (6)

ବୈଦେଶିକ ନୀତି - ରାଜନୀତି ହେଉ.. 
ଅବା ହେଉ ସେ ମହାକାଶ ବିଜ୍ଞାନ.. 
ଶିକ୍ଷା, ସ୍ୱାସ୍ଥ୍ୟ, ଖେଳକୁଦ ପ୍ରସାରଣ ଦିଗେ.. 
ନାରୀ ର ବି ରହିଛି ସମାନ ଅବଦାନ.. (7)

ଯୁଗ ଯୁଗ ର ଅଭିଶାପ କୁ.. 
ସେ କରିପାରିଛି ଆଶୀର୍ବାଦ.. 
ଜୟଘୋଷ ର ଶଙ୍ଖ ଧ୍ୱନି ବଜାଇ.. 
ଚାଲିଛି ପଛେ ପକାଇ ସବୁ ନିନ୍ଦା ଅପବାଦ.. (8)

ନାରୀ ନୁହେଁ ଆଉ ପୁରୁଷ ହାତରେ ଚାବି ଦିଆ ଖେଳଣା.. 
ସମାନ କାମ କୁ ଅଧିକାର ଅଛି.. 
ପାଇବାକୁ ତାର ସମାନ ପାଉଣା.. (9)

ତଥାପି କଣ ପୁରୁଷ କୈନ୍ଦ୍ରିକ ସମାଜେ.. 
ନାରୀ ରହିପାରେ ନିର୍ଭୟ ଅବାଧେ !!
ଆଜି ବି ଆଧୁନିକତା ର ଦ୍ୱାହି ଦେଇ.. 
ଯୌତୁକ ଓ ଯୌନ ନିର୍ଯ୍ୟାତନା ରେ.. 
ନାରୀ ପ୍ରାଣ ଟି ଧକେଇ କାନ୍ଦେ.. (10)

ହେଇଛି କି ଭାଇ ଅସଲ ମାଇନେ.. 
ନାରୀ ମାନଙ୍କ ର ସଶକ୍ତିକରଣ.. 
ସ୍ୱାଧୀନ ଭାରତେ ପରାଧୀନ ନାରୀ.. 
ଓ ସମାଜ ଉପରେ କୁସଂସ୍କାର ଓ ହୀନମାନସିକତା ର.. 
ରହିଛି ଏ ଯାଏ ଯେବେ ବଶୀକରଣ !! (11)

ଯେଉଁ ଦିନ ନାରୀ ର ଉଚିତ ଶିକ୍ଷା ଦୀକ୍ଷା ପାଇ.. 
ମୁଖରିତ ହେବ ତାର ମନ ଓ  ପ୍ରାଣ.. 
ତେବେ ଜାଣିବ ସକଳ ସୁଧିଜନେ.. 
ହେଇ ପାରିଛି ପ୍ରକୃତ ରେ ନାରୀ ସଶକ୍ତିକରଣ.. (12)

........ 

ସପ୍ନା ସିଂହ.. 
ବ୍ରଜରାଜନଗର, ଝାରସୁଗୁଡ଼ା..