" ନାରୀ ସଶକ୍ତିକରଣ "
*************************    
   
    ନୁହେଁ ସେ ଅବଳା 
         ନୁହେଁ ସେ ଦୁର୍ବଳା
    ନାରୀ ସର୍ବଂସହା 
        ଅଟେ ସେ ସବଳା ।।  
 ବିଧାତା ରଚିଲେ ନାରୀ ପୁରୁଷ ଜାତି 
ତାଙ୍କ ସହଯୋଗେ ହସି ଉଠିଲା ମାଟି ।।

 ସୃଷ୍ଟିର ଜନନୀ ଆଦ୍ୟ ଚିରନ୍ତିନୀ
    ସଂସାର ପାଳିନୀ କର୍ତ୍ତୀ 
 ମାତା ଧାତ୍ରୀ ଦୁହିତା ଭଗିନୀ
  ସର୍ବ ରୂପେ ସର୍ବ ସ୍ଥିତି ବନ୍ଦିନୀ ।।

ଦୁର୍ଗତୀ ନାସିନୀ ସଂଙ୍ଘାର ଦାୟିନୀ
ବିନାଶ କାରିଣୀ ନାରୀ ନାରାୟଣୀ
କେବେ ସେ ଜନନୀ 
    କେବେ ସେ ଭଗିନୀ
କେବେ ସେ ମନମୋହିନୀ ।।

ଦୟା କ୍ଷମା ମମତାର କିରଣ ଢାଳି
ସ୍ନେହ ଝରଣା ଭରିଥାଏ ଅବିରିତି ।।
 ଆକାଶ ପରି ବିଶାଳ ସିଏ 
  ସକାଳର ପହିଲି କିରଣ ସେ 
କବିର କବିତାରେ ସେ 
 ସଙ୍ଗୀତ ସ୍ୱରର ମୂର୍ଚ୍ଛନା ସେ ।।

ଜ୍ଞାନ ବିଜ୍ଞାନ ପ୍ରଯୁକ୍ତି ବିଦ୍ୟାରେ
  ଅଗ୍ରଣୀ ହୋଇଛି ନାରୀ 
ରାଜନୀତି ,ଡାକ୍ତର, ଦପ୍ତର 
    ଉଚ୍ଚ ପଦବୀରେ 
 ସମ୍ମାନ ଲଭିଛି ଭାରି ।।

ପୁରୁଷ ପରି ନାରୀ ହୋଇଛି ଶିକ୍ଷିତ
 ନୃତ୍ୟ କ୍ରୀଡା ସଙ୍ଗୀତେ ହୋଇଛି
                 ପାରଦର୍ଶିତା 
ଆକାଶ ଗଗନେ ବିମାନ ଉଡ଼ାଇ 
 ଯୁଦ୍ଧ କ୍ଷେତ୍ରେ ସାଜିଛି ସୈନ୍ୟ ।।

ନାରୀ ସଶକ୍ତିକରଣ ସକାଶେ
ଅନୁକୂଳ ପରିବେଶ କରେ ସାହାଯ୍ୟ
କିନ୍ତୁ ସମାଜର ସମସ୍ୟା ଅନ୍ତରାୟ
   ତାକୁ କରୁଛି ସର୍ବନାଶ ।।

ନାରୀ ଭ୍ରୁଣହତ୍ୟା ମୁଖ୍ୟ 
    ସମସ୍ୟା ସାଜିଛି 
ଦେଶେ ନାରୀ ସଂଖ୍ୟା 
    ହ୍ରାସ ହୋଇଛି 
ନାରୀ ସମ୍ମାନ ସମାଜର
    କଳା ଦୃଷ୍ଟିରେ 
ତାର ଜୀବନ ଶେଷ ହୋଇଛି ।।

ନିୟମ ପରେ ନିୟମ ହେଉଛି ପ୍ରସ୍ତୁତ
ନିୟମକୁ ଭାଙ୍ଗି କୁକର୍ମ କରେ
       ଏ ସାରା ଜଗତ ।।

ରାଜନେତା, ପୋଲିସି, ଅପରାଧୀ
       ହୋଇ ଏକାଠି 
ଅନ୍ୟାୟ ଅପରାଧ ଅନିତୀକୁ
   ଦେଉ ଅଛନ୍ତି ପୋତି ।।

ସମାଜେ ନାରୀ ସଶକ୍ତିକରଣ ସେବେ
      ଅଗ୍ରସର ହୋଇବ 
ଯୌତୁକ ପ୍ରଥା , ଭୃଣହତ୍ୟା ,
     ନାରୀ ନିର୍ଯାତନା 
ଯେବେ ସମାଜୁ ବିଲୀନ ହେବ ।।

ନାରୀ ସମାଜକୁ ଉପଯୁକ୍ତ 
     ସମ୍ମାନ ଦେବା
ନାରୀ ସଶକ୍ତିକରଣକୁ 
    ଆଗେଇ ନେବା ।।

***********🙏🏼 **********
ମନସ୍ଵିନୀ ମିଶ୍ର
    ରାଜକନିକା , କେନ୍ଦ୍ରାପଡ଼ା