ନାରୀ ସଶକ୍ତିକରଣ

ନାରୀ  ଜାତି ହେଲେ ସଶକ୍ତିକରଣ
ଦେଶଟି ଆଗେଇ ଯିବ
ଅବଳା  ଦୁର୍ବଳା ଶକ୍ତି ହୀନା ବୋଲି
କେବେ ମନେ ନ ମଣିବ ।।

ଓଢ଼ଣୀ ଭିତରେ ରହିବା ନିମନ୍ତେ
ନୁହଁଇ ତାହାର ଜନ୍ମ
ନାରୀ ଜାତି ଯେବେ ସଶକ୍ତି ହୋଇବେ
ଉଛୁଳି ପଡିବ କର୍ମ।।

ପୁରାଣ କାଳରୁ ଆଜି ଦିନ ଧରି
ନାରୀଙ୍କ ମହିମା କଥା
ମାତା,ଭଗ୍ନୀ, ଜାୟା, କରୁଣା ଦାୟିନୀ
ସର୍ଵଂ ସହା ବସୁମାତା।।

ଅହଲ୍ୟା, ଦ୍ରୌପଦୀ, କୁନ୍ତୀ,ମନ୍ଦୋଦରୀ
ତାରା ସହ ସତୀ ସୀତା
ଯୁଗ ଯୁଗ ପାଇଁ କୀର୍ତ୍ତି ଯଶ ରଖି
ହୋଇ ଅଛନ୍ତି ବନ୍ଦିତା।।

ନାରୀ ନାରାୟଣୀ ଦୁର୍ଗା ରୂପ ପୁଣି
କେତେ ବେଳେ ସରସ୍ଵତୀ
ସଂହାର କାରିଣି ଅଭୟ ଦାୟିନୀ
ରଚି ଛନ୍ତି ବହୁ କୀର୍ତ୍ତି।।

ଭାରତ ଦେଶରେ ନାରୀ ଜାଗରଣ
ଇତିହାସେ ଅଛି ଲେଖା
ରାଜା ରାମମୋହନ ରାୟ ସମୟରେ
ହୋଇ ଥିଲା ନାରୀ ଶିକ୍ଷା।।

ପୁରୁଷ ପ୍ରାଧାନ୍ୟ ହୋଇଲେ କି ହେବ
ନାରୀ ଙ୍କୁ ସମ୍ମାନ ଦିଅ
ଲିଂଗଗତ ଭାବ ଦୁରେ ଫିଙ୍ଗି ଦେଇ
ସଶକ୍ତି କରଣ ହୁଅ ।।

ସଂସାର ହାଟ ରେ ମୁଦ୍ରା ଟିଏ ପରି
ପୁରୁଷ ଓ ନାରୀ ଜାତି
ହାତେ ହାତ ଛନ୍ଦି ଗମନ କରିଲେ
ନଥିବ କାହାକୁ ଭୀତି।।

ଧ୍ୟାନ ଦେଇ ଶୁଣ ଆହେ ସାଧୁ ଜନ
ନାରୀ ସଶକ୍ତି କରଣ
ଯେଉଁ ଦିନ ଆମ ସମାଜରେ ହେବ
ଫେରି ଆସିବ ସୁଦିନ।।


ରାମ ଚନ୍ଦ୍ର ମହାନ୍ତି
ଗ୍ରାମ ବାଣତୁମ୍ବ
ପୋଷ୍ଟ ବେଲଗୁଣ୍ଠ
ଜିଲ୍ଲା ଗଞ୍ଜାମ
ଓଡ଼ିଶା
ପିନ୍ କୋଡ ୭୬୧୧୧୯