ନାରୀ ସଶକ୍ତିକରଣ

ନାରୀ ନୁହଁ ଖାଲି ଜନମ ଦାୟିନୀ
ସ୍ୱାମୀ ର ଜୀବନ ସାଥୀ
ଭାଇର ଭଉଣୀ ବାପର ଦୁଲଣି
ଅଲିଅଳି ଶୋଭାବତୀ

ଜୀବନ ଯାତ୍ରାରେ ସେ ଏବେ ଅଗ୍ରଣୀ
ଦୁରେ ରଖି ଭୟ ଭ୍ରାନ୍ତି
ନାହଁ କେଉଁ କ୍ଷେତ୍ର ଯେଉଁ ଠିକୁ ତାର
ପ୍ରବେଶକୁ ଅଛି ଭୀତି

ପୁରୁଷ ର ସଙ୍ଗେ ସମକକ୍ଷ ହୋଇ
ବଢ଼ାଉଛି ଦେଶ ମାନ
ପାଳଇ କୁଟୁମ୍ବ  ନିଜ ଜ୍ଞାନ ବଳେ
ଅର୍ଥ କରି ଉପାର୍ଜନ

ଜନସେବା ଠାରୁ ଦେଶରକ୍ଷା ଯାଏ
ବିଜ୍ଞାନ ବା ପ୍ରଶାସନ
କେଉଁ ଗୁଣେ ଉଣା ନୁହଁ ସେ ଲଳନା
ତେଜିଛି ସେ ଘର କୋଣ

ଝିଅ ଜନ୍ମ କରି ଏବେ ଆଉ କେହି
କରୁ ନାହିଁ ମନସ୍ତାପ
ପୁଅ ଠାରୁ ବେଶୀ ଝିଅକୁ ଖୋଜନ୍ତି
ବୁଢ଼ା ବୁଢ଼ୀ ମାଆ ବାପ

ତୁଚ୍ଛ ନାରୀ ବୋଲି କାଳ କାଳ ଧରି
ଥିଲା ଯେଉଁ ହେୟଜ୍ଞାନ
ଆଜିର ନାରୀକୁ ଦେଖି ସେହି ଭ୍ରମ
ହୋଇଛି ଭୁଲ ପ୍ରମାଣ

ଦିନ ପରେ ଦିନ ଆଗକୁ ବଢୁଛି
ନାରୀ ସଶକ୍ତିକରଣ
ବିକଶିତ ହେବ ଆମ ଏ ସମାଜ
ନାରୀ କୁ ଦେଇ ସମ୍ମାନ।

          ******************

ପ୍ରଦ୍ୟୁମ୍ନ ପଟ୍ଟନାୟକ
ଜୟ ଦୁର୍ଗା ନଗର
ଭୁବନେଶ୍ବର
୯୯୬୮୨୮୦୮୯୬