*ନାରୀ ସଶକ୍ତିକରଣ*
*****************
"ସେ" ନାରୀ
ପ୍ରକୃତି ଜଠରୁ ଗୁଞ୍ଜିତ
ପ୍ରବହମାନ ଜୀବସତ୍ତାର
ଜନନୀ-ଭଗିନୀ-ଜାୟା
ତା' ଠାରୁ ସଂସାର ଉତ୍ପତ୍ତି।

'ସେ' ପ୍ରେମ ଦାୟିନୀ-ରାଧା,
ସତୀ-ସୀତା, ପାଞ୍ଚାଳୀ- କୃଷ୍ଣା,
ସଂହାର-କାରିଣୀ,ସିଂହ-ବାହିନୀ,
ଦୁର୍ଗା-କାଳୀ-ମହାକାଳୀ।

'ସେ' ସତିତ୍ୱ ନାଁ ରେ-ପଥର,
    ମାଟିଗର୍ଭେ-ଲୀନ,
'ସେ' ଧୋଇପାରେ ରକ୍ତ-ସ୍ରୋତେ
    ମୁକୁଳା-କେଶ,
'ସେ' ନିର୍ଭୟା'-ଭୟ, ପିପିଲି'-ଦୁଃଖ,
      ନିର୍ଯ୍ୟାତିତ-ଯୌତୁକ।

ତା'ପାଇଁ ମଞ୍ଚ ଦେହେ
ଓଜସ୍ୱିନୀ-ଭାଷଣ,
ନାରୀ ସଶକ୍ତିକରଣ,
'ସେ' କିନ୍ତୁ ପ୍ରଚ୍ଛଦପଟରେ
  ଲାଂଛିତ-ଭୂତ,
ଜରାୟୁରୁ ନିଷ୍ପ୍ରଭ ଭୃଣ'-ଭବିଷ୍ୟତ।

ମନେ ପକାଅ!
'ସେ' ଇତିହାସ'-ରାଣୀ-ଲକ୍ଷ୍ମୀବାଇ,
ସାହିତ୍ୟ'-ଶକୁନ୍ତଳା-ସରୋଜିନୀ,
ଶାନ୍ତି'-ମଦର ଟେରେସା,
ମହାକାଶ'-କଳ୍ପନା, ଡ଼ାକ୍ତର,ଶିକ୍ଷକ,ଯୋଦ୍ଧା-
ସେ ଶତାବ୍ଦୀରୁ ଏ ମୂଲକ।

ନିଃଶେଷ କରନାହିଁ
ଅଙ୍କୁରିତ ଭ୍ରୁଣକୁ ଜନନୀ ଜଠରୁ,
ନିର୍ଯ୍ୟାତନା ଦିଅନାହିଁ
ପ୍ରେମମୟୀ ଶରୀର କୁ ଆଶ୍ୱାସନା ମଞ୍ଚରୁ,
ପ୍ରତାରଣା କରନାହିଁ
ସଂସାର'-ଭବିତବ୍ୟ କୁ ତା' ବିକାଶରୁ।

ପ୍ଲା-କାର୍ଡ ସ୍କୋଗାନରେ
ଭରିଦିଅ ଆତ୍ମୀୟତା,
ପୋଛିଦିଅ ବହଳ ବହଳ ଧୂଆଁ କୁ
ଚିରାଚରିତ ସାମାଜିକ ପ୍ରଥାରୁ,
ଭାଙ୍ଗିଦିଅ ପ୍ରବଞ୍ଚନା'-ଫ୍ରେମ,
ଲେସିଦିଅ ଆତ୍ମୀୟତା'-ମହକ।

ଗଢିଦିଅ ନିଶ୍ବାସରେ
ନାରୀ-ସଶକ୍ତିକରଣ,
ତୋଳିଦିଅ ବିଶ୍ୱାସରେ
ବିଭୂଷିତ,ବିକାଶଶୀଳ-ସମାଜ,
ଖେଳିଯାଉ ହସର ମହୋତ୍ସବ।
*************************
ଅଜୟ କୁମାର ଜେନା
ବଡ଼ରମ୍ପାସ,କେନ୍ଦୁଝର
6372260479