ନାରୀ ସଶକ୍ତିକରଣ 
*********************
ନାରୀ ଠାରୁ ଶକ୍ତି ସୃଷ୍ଟି ହୋଇଅଛି
ନାରୀ ଠାରୁ ନାରୀ ଯାତ,
ସେହି ନାରୀ ପୁଣି ନାରୀକୁ ବଧଇ
ବିଚିତ୍ର ଲାଗୁଛି ଏତ।
ନାରୀ ନିର୍ଯାତିତା କହି ଦିଅନାହିଁ
ନାରୀ ଦୂର୍ବଳ କରାଇ,
ଯାହାକୁ କି ଆମେ ପୁରାଣେ ଦେଖିଛେ
ପୃଥି ଦେଇଥିଲା ଥରାଇ।
ସେ ସତୀ  ସାବିତ୍ରୀ ସୀତା ମହାମୟୀ
ସେ ବି ଦ୍ରୋପଦୀ ଓ ମହାମାୟା,
ଦୂର୍ଗା ପୁଣି ଯୋଗମାୟା ଯିଏ,
ସୃଷ୍ଟି ର ଆଦି ତା ଠାରୁ ହୁଏ ଅନ୍ତକାରୀ  ହୁଏ ସିଏ ।
ଶାନ୍ତ କମନୀୟ ଋଦ୍ର ଭୟଙ୍କର
ସବୁ ରୂପେ ପୂଜା ପାଏ।
କିନ୍ତୁ,ହାଏ ଜଗତ ଆଧୁନିକ ନାରୀ 
କଷଣ କାରାରେ
ଦହି ହୁଏ।
ଯେତେ ଡିଡିମ୍ବ ପିଟିଲେବି
ସେ ପୁରୁଷ ଛାୟାରେ ଆଶ୍ରୀତ ଯାଏ।
ସରକାର ସିନା ନିୟମ କରନ୍ତି
ପାଳିବାକୁ ପଡେ ଜନ,
ନିୟମକୁ ଯଦି ପାଳନ ନକର 
ସଂସ୍କାର ଆସିବ କଣ ?
ନାରୀଙ୍କୁ ସମ୍ମାନ ନାରୀଙ୍କୁ ସୁଯୋଗ
ଦେଶକୁ ଆଗେଇ ନେବ,
ନାରୀ ହାତେ କାମ ନାରୀଙ୍କୁ ନିଯୁକ୍ତି
ଦେଶ ବି ସୁଦୃଢ ହେବ।
ଜନ ସାନସର ହୀନ ବୁଦ୍ଧି ଯୋଗୁ କନ୍ୟା ଭୃଣ ହତ୍ୟା ହୁଏ,
 ବୁଝିକି ପାରେନା !
ତୋର ଜନ୍ମ ଦାତ୍ରୀ  ନ ଥିଲେ ସଂସାରେ, 
ଆଣିଥାନ୍ତା ତୋତେ କିଏ ?
ବୋହୁ ,ଝିଅ,ମା ,ଭଉଣୀ ଓ ସ୍ତ୍ରୀ
ରୂପେ ଅବତରି ସିଏ
ଢାଳେ ଚାଲେ ସେବା ସେହ୍ନ ଓ ମମତା,
ତାର ସେ ମାୟାରେ
ବାୟା ନ ହୋଇଛି କିଏ? 
ବଞ୍ଚିତ ନହେଉ ଏଇ ସମାଜରେ
କି ଅବହେଳିତ ର ପାତ୍ର ,
ଆଗାମୀ ବଂଶର ସୃଷ୍ଟିକାରୀ ସେ
ତ୍ୟାଗ କରି ଘର, 
ବରିନେଇ ପର ଗୋତ୍ର।

                    ରେଣୁକା ସାମଲ,
              ପଞ୍ଚାୟତ ସମିତି କଲେଜ,
            ରାଇଘର ,ନବରଙ୍ଗପୁର।