___________କୃଷକ__________
ଉତ୍କଳ ରାଇଜେ      କୃଷିର ସମାଜେ
          କୃଷକ ଅବହେଳିତ
ଜୟ କିଶାନର      ବାରୁଣୀ ପାନରେ
           ଶିଳ୍ପ କାରଖାନା ସିତ /୧/
କୃଷକ ଉନ୍ନତି     ନ ଚେତିଲେ ମନେ
         ଦେଶର ପ୍ରଗତି ନାହିଁ
କୃଷକ ପରାୟେ      ଅନ୍ନ ମେରୁଦଣ୍ଡ
        ଜଗତେ ବିଖ୍ୟାତ ତହିଁ  /୨/
ଗତିମୁକ୍ତି ଦାତା        ପରାଣ କରତା
        ମୌସୁମୀ ଜୀବନ ପାଇଁ
ଜଗତେ କୃଷକ          ନିନ୍ଦିତ ମଶକ
       ରାଜନୀତି ଖେଳ ହୋଇ  /୩/
ନିର୍ଜଳ ମେଘ ଏ    ଆକାଶର ଶୋଭା
       କାଳିଆ ଯୋଜନା ହେଲା
ପ୍ରକୃତ କୃଷକ         ହେଲା ବହିଷ୍କୃତ
       ସ୍ବାଧିନ ବନ୍ଧା ପଡ଼ିଲା   /୪/
ସମବାୟ କାର୍ଯ୍ୟ    ନ କହିଲେ ଆଜ
       ଦପ୍ତର କର୍ମଚାରୀ ଙ୍କୁ
କୃଷି ଋଣ ନାମେ      ଠକି ନେଇଛନ୍ତି
       ସ୍ବାବଲମ୍ବୀ କୃଷକଙ୍କୁ   /୫/
ଦେହରୁ ନିଗାଡି        ଲହୁ ଲୁହ ତାଡି
       ଯିଏ ମହାନ ଦୀକ୍ଷାରେ
ସ୍ବାର୍ଥ ହିନ ଭାବେ    ସର୍ବ ଜନ ଆଗେ
       ପବିତ୍ର କରେ ଶିକ୍ଷାରେ  /୬/
ପଞ୍ଚବାରଷିକ     ଯୋଜନା ହୋଇଲା
        କୃଷକ ମାରଣ ଯଜ୍ଞ
ଅସାଧୁ ମଝିରେ       ପଙ୍ଗପାଳ ସାଜି
     ସର୍ବେ ହୋଇଲେ ଅବଜ୍ଞ  /୭/
ମାଆ ପରି ସମ      କୃଷକ ଜୀବନ
        କିଏ ବା ପାରୁଛି ବୁଝି
ସର୍ବେ ବସିଛନ୍ତି    ସ୍ବାର୍ଥର ଘୋଟକେ
       ସ୍ୱାର୍ଥପର ଭାବ ସାଜି  /୮/
କରୁଛି ବିନତୀ     ହେ ମାନବ ଜାତି
       କୃଷକ ସମ୍ମାନ ରହୁ
ଜଗତ ମଧ୍ୟରେ         କୃଷି କୃଷକର
        ଆନନ୍ଦ ରାଗିଣୀ ବହୁ  /୯/
ଆସହେ ସଭିଏଁ       ଏକତ୍ରିତ ହୋଇ
         ଗାଇବା କୃଷକ ଗୀତି
କୃଷି ପରା ଆମ        ପ୍ରୀତିର ପରଶ
         ମନେ ନ ରଖିବା ଭିତି  /୧୦/
++++++++++++++++++++
           ଅଶୋକ କୁମାର ପତି
                   ଖଙ୍କିରା, ଢେଙ୍କାନାଳ
                               ୭୫୯୦୧୬