କୃଷକ
ଗର୍ବ ରେ କହେ ମୁଁ କୃଷକ
ମୋ ହାତେ ନାହିଁ ଅସ୍ତ୍ରଶସ୍ତ୍ର
ହଳ ଲଙ୍ଗଳ ସହ ଯାଏ ଶସ୍ଯକ୍ଷେତ୍ର।
ଲଢେଇ ମୋ ଖାଦ୍ୟାଭାବ କେମିତି ଯିବ ଦୁରେଇ।
ଯୋଦ୍ଧା ସାଜି ନିଦାଘ ଖରା କୁ ପରାସ୍ତ କରି
ଟାଙ୍ଗରା ଭୂମିରେ ଶସ୍ଯ ଶ୍ୟାମଳା ଦିଏ ଭରି।
ଦେହରୁ ମୋର ଝାଳ ନିଗାଡ଼ି
ସୁନା ଫସଲ ମୁଁ ଦିଏ ଅଜାଡି।
ଅନ୍ନଦାତା ହୋଇ ପେଟ ପୁରେ ନାହିଁ
ତଥାପି କଷ୍ଟ କରିଚାଲେ
ସର୍ବ ମୁଖେ ଦାନା ଦେବା ପାଇଁ।
ଖରା,ବର୍ଷା,ଶୀତ ନିଇତି ଖଟେ
ମୋ ପରିବାର ପେଟ କିଏ ଜାଣିବ
କେମିତି ଚଳେ ମୁଁ କଷ୍ଟେମଷ୍ଟେ।
ରୁଣ ଶୁଝି ନ ପାରି ଚାଷୀ ଆତ୍ମହତ୍ୟା କୁ ବାଛେ
ସେ ପାଇଁ କେବେ କୃଷକ ହେବାକୁ କହିଲେ
ମୋ ପୁଅ ନାକ କୁ ଟେକେ।
ଆଧୁନିକ ବୈଜ୍ଞାନିକ ଚାଷ ପ୍ରଣାଳୀ
କାଳେ ବଦଳେଇଦେବ ମୋ ଜୀବନ ଶୈଳୀ।
ପ୍ରାକୃତିକ ଦୁର୍ବିପାକ ବନ୍ୟା,ମରୁଡି,ବାତ୍ୟା
ମୋ ଆଶା ସ୍ଵପ୍ନ କୁ କରନ୍ତି ହତ୍ୟା।
ତଥାପି କହେ ମୁଁ କୃଷକ।
ଚିନ୍ମୟୀସାହୁ ,
ଆନନ୍ଦପୁର, କେନ୍ଦୁଝର
0 Comments