କୃଷକ
ବିଶ୍ରାମ ଲେଖା ନାହିଁ..
କପାଳେ ଯାହାର..
ଜାଣିଛ କି ଭାଇ..
ନାମ ଟି ତାହାର?? (1)
ସେ କୁହାଏ କୃଷକ..
ସେ କୁହାଏ ଚାଷୀ...
ସଲାମ କରନ୍ତି ତାକୁ..
ସମଗ୍ର ଦେଶବାସୀ.. (2)
କୋଟିଏ ଭିତରେ..
ଗୋଟିଏ ସିଏ..
ସଭିଙ୍କ ମୁହଁ ରେ..
ଖାଦ୍ୟ ସେ ଦିଏ.. (3)
ଲହୁ ଲୁହ ସବୁ ନିଗାଡ଼ି ଦେଇ..
ସୁନା ର ଫସଲ ଫଳାଏ..
ସେ ସଭିଙ୍କ ପାଇଁ.. (4)
କୁହାଏ ଦେଶ ର ସେ ମେରୁଦଣ୍ଡ..
ନିଜେ ଭୋକ ସହି...
ଭରି ଦିଏ ଜାତି ଜାତିକା ଖାଦ୍ୟ ରେ..
ସେ ସଭିଙ୍କ ତୁଣ୍ଡ.. (5)
ତାରି ବଳିଷ୍ଠ ସ୍କନ୍ଧ ଉପରେ..
ଆଶ୍ରିତ ଦେଶ ର ସଭ୍ୟତା - ସଂସ୍କୃତି..
ହେଲେ ତା ଜୀବନ କୁ ଝାଙ୍କି ଦେଖ ଥରେ..
ମିଳିବ ଦୁରବସ୍ଥା ଓ ଖାଲି ଦୁର୍ଗତି.. (6)
ଗାଈ ବଳଦ ସାଙ୍ଗ ତାହାର..
ଧୋତି ଗାମୁଛା ପୋଷାକ କୁ ଆପଣେଇ ନେଇ..
ସେଥିରେ ନିର୍ବାହ କରେ..
ସମ୍ପୂର୍ଣ ଜୀବନ ନିଜର.. (7)
କାନ୍ଧ ରେ ଲଙ୍ଗଳ..
ହାତରେ ମହି..
ଖରା ବର୍ଷା ଶୀତ କୁ..
ସେ ଯାଏ ରେ ସହି.. (8)
ବାଆ - ବତା - ବିଜୁଳି ଚମକ କୁ..
ନ ଥାଏ ତା ଡର..
ଚାଳ କୁଡ଼ିଆ ରେ ସମ୍ପୂର୍ଣ ଜୀବନ କୁ..
ବିତାଏ ଯେ ତାହାର.. (9)
ଆଜି ବି ସେ..
ଆର୍ଥିକ ଅନଟନ ରେ ଭାରାକ୍ରାନ୍ତ..
ଋଣ ବୋଝ ତଳେ ଚାପି ହେଇ ସେ..
ହୁଅଇ ଜୀବନେ ସେ ହନ୍ତସନ୍ତ.. (10)
ନିଜ ଛୁଆ ପିଲା ସଂସାର କୁ..
ଦେଇ ପାରେନା ସେ ସୁଖ ସ୍ଵାଚ୍ଛନ୍ଦ୍ୟ ର ବାସନା..
ଭବିଷ୍ୟତ ଦାୟାଦ କୁ ଉଚ୍ଚ ଶିକ୍ଷା ଦେଇ ନ ପାରି..
ମନ ରେ ଭରିଥାଏ ତା ଅକୁହା ଶୋଚନା.. (11)
ଜଗତ କଲ୍ୟାଣ ଓ ଜୀବ ଙ୍କ ହିତାର୍ଥେ..
ଥାଏ ସର୍ବଦା ସେ ବଦ୍ଧପରିକର..
ଶ୍ରମଦାନ ପାଇଁ ପ୍ରସ୍ତୁତ କିନ୍ତୁ..
କର୍ଷଣ ଯୋଗ୍ୟ ଜମି ଅଭାବ ପୁଣି..
ଦିଏ ତା ହୃଦୟେ ଶକ୍ତ ପାହାର..(12)
କେବେ ବିଭତ୍ସ ମରୁଡ଼ି ପୁଣି..
କେବେ ପ୍ରଳୟଙ୍କରୀ ପ୍ଲାବନ..
ତା ବିଶ୍ୱାସେ ବାଧକ ସାଜି..
ଚୂର୍ଣ୍ଣିଭୁତ କରନ୍ତି ତା ସକଳ ସପନ.. (13)
ପ୍ରିୟ ସରକାର ଙ୍କ କାଳିଆ ବଳରାମ ଯୋଜନା..
ସବୁ ତଳ କୁ ଆସି ଫସର ଫାଟେ..
ଜର୍ଜରିତ ହେଇ ଦାରିଦ୍ର୍ୟ ର କରାଳ ଘାତ ରେ..
ଆଜି ବି ଚାଷୀ ଟି ସମୟ କାଟେ.. (14)
ତଥାପି ଆଶା କରେ ଯେ ସେହି..
ପିଣ୍ଡ ରେ ସଂଚାର ହେବ ତା ପୁନର୍ଜୀବନ...
ଦିନ ବଦଳିବ, ଭାଗ୍ୟ ବଦଳିବ..
ଆସିବ ତା ଜୀବନେ ସମ୍ପୂର୍ଣ ପରିବର୍ତ୍ତନ.. (15)
ସମୟ ଆସିଛି ଜାତି ର କର୍ମବୀର ଙ୍କୁ..
ଦେବା ପାଇଁ ଉଚିତ ସାହାଯ୍ୟ ସମ୍ମାନ..
ତେବେ ଯାଇ ସାର୍ଥକତା ରହିବ ଶାସ୍ତ୍ରୀ ଙ୍କ ଉକ୍ତି ରେ..
ଯିଏ କହିଥିଲେ, " ଜୟ ଜବାନ, ଜୟ କିସାନ"...
.......
ସପନା ସିଂହ..
ବ୍ରଜରାଜନଗର, ଝାରସୁଗୁଡ଼ା..
0 Comments