କୃଷକ
ମୁଁ ଜଣେ ସ୍ୱାଭିମାନି କୃଷକ।
ସବୁ ସ୍ୱପ୍ନକୁ ପାଦେ ଦଳିଦେଇ
କୃଷିକୁ କଲି ମୋ ଜୀବିକା
ମୁଣ୍ଡ ଝାଳ ଆଜି ତୁଣ୍ଡରେ ମାରିଣ
ହଲଲଙ୍ଗଳ ସାଜିଲା ମୋ ପ୍ରେମିକା।
ବିଶାଳ ଦୁନିଆ ସେବାସ୍ଥଳ ମୋର
ମୁଁ ପରା ତା ସେବକ
ମୁଁ ଜଣେ ସ୍ୱାଭିମାନ କୃଷକ ।
ମୁଁ ଜଣେ ସ୍ୱାଭିମାନି କୃଷକ।
ସବୁ ପେଟେ ଦାନା ଯୋଗାଇବା ପାଇଁ
କୋଡ଼ି କୋଦାଳ ଧରେ ମୁଁ ହାତରେ
ସବୁ ମୁହଁ ହସ ଦେଖିବା ପାଇଁ ଯେ
ଶ୍ରମ କରି ଚାଲେ ବିନା ସର୍ତ୍ତରେ।
ଦୁନିଆର ଲୋକ ପୋଷଣ ଆଗ୍ରହୀ
ମୁଁ ପରା ତାଙ୍କ ସେବକ
ମୁଁ ଜଣେ ସ୍ୱାଭିମାନ କୃଷକ ।
ମୁଁ ଜଣେ ସ୍ୱାଭିମାନ କୃଷକ ।
ଖାଇବାକୁ ପଛେ ଚାରଣା ନଥାଉ
ଋଣ କରି କରେ କୃଷି
ପିନ୍ଧିବାକୁ ପଛେ କନାଟେ ନଥାଉ
ସଵୁ ସହିଯାଏ ହସି ହସି।
ଦୁନିଆର ଲୋକେ ଏକ ଦଳ ହେଲେ
ମୁଁ ବଧେ ତାଙ୍କ ଅଧିନାୟକ
ମୁଁ ଜଣେ ସ୍ୱାଭିମାନ କୃଷକ ।
ମୁଁ ଜଣେ ସ୍ୱାଭିମାନ କୃଷକ ।
ଝଡ ବତାସ ର କରୁଣ ମାଡରେ ଯେବେ
ଭଙ୍ଗେ ଆର୍ଥିକ ମେରୁଦଣ୍ଡ
ଋଣ ତାଡନାରେ ମହାଜନ ଆଗେ
ନଇଁ ଯାଏ ମୋର ମୁଣ୍ଡ।
ସେ ସବୁ ବ୍ୟଧାକୁ ପଛରେ ପକାଇ
ଖେଳାଏ ସୁନା ଫସଲର ମହକ
ମୁଁ ଜଣେ ସ୍ୱାଭିମାନ କୃଷକ ।
ମୁଁ ଜଣେ ସ୍ୱାଭିମାନ କୃଷକ ।
ସଂକଟବେଳାରେ କୋରନା କାଳରେ
ନିସଙ୍କୋଚେ କରେ ଶ୍ରମଦାନ ମୁହିଁ
ଦେଶ ରକ୍ଷା ମୋର ସର୍ବୋପରି ଅଟେ
ଡର ଭୟ ତିଳେ ମୋର ନାହିଁ।
ଅଦୃଶ୍ୟ ରକ୍ଷାସ କୋରନା ଯୁଦ୍ଧରେ
ସାଜିଛି ମୁଁ ଜଣେ ସୈନିକ
ମୁଁ ଜଣେ ସ୍ୱାଭିମାନ କୃଷକ ।
ମୁଁ ଜଣେ ସ୍ୱାଭିମାନ କୃଷକ ।
ଲୋଡ଼ା ନାହିଁ ମୋତେ ଧନସମ୍ପଦ ଯେ
ଦିଅ ମୋତେ ଟିକେ ସମ୍ମାନ
ସମାଜ ଆଖିରେ ଉଚ୍ଚ ପଦ ଦିଅ
ଦେବୁ ଆମେ ତୁମକୁ ଜୀବନ।
ଖାଦ୍ୟଶସ୍ୟ ଆଉ ପନିପରିବା ଫଳାଇ
ଫୁଠାଇବି ସଭିଙ୍କ ମୁଖେ ହସର ଚହକ
ମୁଁ ଜଣେ ସ୍ୱାଭିମାନ କୃଷକ ।
ମୁଁ ଜଣେ ସ୍ୱାଭିମାନ କୃଷକ ।

ନାମ:ପପୁ ପରିଡ଼ା
ଠିକଣା: ରାଳବ, ଗଞ୍ଜାମ