" କାର୍ଗିଲ ବିଜୟ ଦିବସ "
💐💐💐💐💐💐
ଆହ୍ୱାନ ପାଇ ସେ ବରଫ କୋଳରୁ
ଶତ୍ରୁର ଶବଦ ଶୁଣି
କାର୍ଗିଲ କ୍ଷେତ୍ରକୁ ଯାଇଥିଲା ବୀର
ହାତରେ କମାଣ ଧରି ।।
ରକ୍ତର ଦାଗରେ ସ୍ଵାକ୍ଷର କରି ସେ
ବରଫେ ଜାଳିଲା ବହ୍ନି
ଜୀବନ ଯେଉଁଠି ଅସମ୍ଭବ ଲାଗେ
ଶବକୁ ନହୁଏ ଚିହ୍ନି ।।
ଚଉଦିଗେ ଦିଶେ ବରଫ ବଳୟ
ଶୀତର ଆଗ୍ନେୟ ଲାଭା
ବୀର ପୁଅ ସେଠି ଉନ୍ମlଦ ମସ୍ତକେ
ଶତ୍ରୁକୁ କରିଲେ କାବା ।।
ଉଦ୍ଭାସିତ ରବି କିରଣେ ଉଲ୍ଲସୀ
ଶତ୍ରୁର ଛାତିରେ ବସି
ଲେଖିଥିଲେ ବୀର ବିଜୟ କବିତା
ନୂଆ ଇତିହାସ ରଚି ।।
ଷାଠିଏ ଦିନର ଅବିଶ୍ରାନ୍ତ ଝଡ଼
ଥମିଥିଲା ଆଜି ଦିନେ
ପାକିସ୍ତାନ ଥିଲା ନତ ମସ୍ତକ
ଭାରତୀୟ ବୀର ସାମନେ ।।
ଭାରତ ମାଆର ସୁଯୋଗ୍ୟ ସନ୍ତାନ
ଉଚ୍ଚ କରିଥିଲେ ମଥା
ଭୁଲିଯାଇଥିଲେ ଗୁଳିର ଦାଗକୁ
ଛାତିର ଅସହ୍ୟ ବ୍ୟଥା ।।
ଭାରତ ମାଆ ବି ହରେଇ ବସିଲା
ପାଞ୍ଚଶ ସତେଇଶ ପୁଅ
ବିଜୟ ଭିତରେ ପୋଛୁଥିଲା ତାର
ବେଦନlର ଆଖି ଲୁହ ।।
ସହୀଦ ବୀରଙ୍କୁ ଶତ ପ୍ରଣାମ ମୋ
ବିଜୟ ଦିନେ ଜଣାଏ
ଦେଶ ରକ୍ଷା ପାଇଁ ନିଜ ଜୀବନକୁ
ଜଳାଞ୍ଜଳି ଯିଏ ଦିଏ ।।
ଏ ଭାରତ ମାଟି ଭୁଲିବନି କେବେ
ବୀର ତୁମ ସ୍ୱାଭିମାନ
ଶ୍ରଦ୍ଧାଞ୍ଜଳି ଆଜି ଜ୍ଞାପନ କରୁଛୁ
ଶତ ଶତ ସନମାନ ।।
ପ୍ରଶାନ୍ତ କୁମାର ସେଠୀ
ପିରିପୁର, ଭଣ୍ଡାରିପୋଖରୀ, ଭଦ୍ରକ
ଦୁରଭାଷା: ୯୯୨୧୭୧୫୧୭୯
ଦିନାଙ୍କ: ୨୬/୦୭/୨୦୨୦
0 Comments