: କାର୍ଗିଲ୍ ବିଜୟ ଦିବସ :
              *******🇮🇳🇮🇳******* 

ଭାରତ ସଭ୍ୟତା ଭାରତ ସଂସ୍କୃତି
ବିଶ୍ବରେ ଅଟେ ମହାନ୍
ଭାରତର ଧନ ସମ୍ପଦ ଦେଖିଣ
ଶତ୍ରୁ ମନେ ଜାଗେ ଇର୍ଷାପଣ।।

ଚାଇନାଠୁ ପାଇ ସାହସର ବାଣୀ
ପାକିସ୍ତାନ ହେଲା ସଜ
ଗୁପ୍ତରେ ଏ ବାର୍ତ୍ତା ପାଇଣ ଭାରତ
ଯବାନ ହେଲେ ସଜାଗ।।

ସ୍ଥଳ-ବାୟୁ ସେନା କରି ଏକତ୍ରିତ
ଭାରତ ହୋଇଲା ସଜ
ଇସ୍ରାଏଲ ପୁଣି ଏହି ସମୟରେ
ବଢାଇଲା ବନ୍ଧୁ ହସ୍ତ।।

କାର୍ଗିଲ୍ ଯୁଦ୍ଧ ରେ ହେଲେ ମୁହାଁମୁହିଁ
ଜୁଲାଇ ଛବିସ ଦିନ 
ଭାରତ ମା ର ଛାତି ଫୁଲିଯାଏ
ଦେଖି ସନ୍ତାନର ଏହି ପ୍ରେମ।।

କେତେ ଗୁଳିଗୋଳା ବରଷା ହୋଇଲା
ଉଚ୍ଚ ହିମାଳୟ ସାକ୍ଷୀ 
ଭାରତ ଯବାନ ହେଲେ ବଳିଆନ
ଶତ୍ରୁ ନ ପାରିଲା ତାଙ୍କୁ ରୋକି।।

ଆଖି ଲୁହ ଆଉ ଛାତି ରୁଧିରକୁ
ସହି ଆଗକୁ ଚାଲିଲା
ବୀର ଜବାନର ବିରୋତ୍ତୋ କୁ
ଦେଖି ଶତ୍ରୁ ଛତ୍ରଭଙ୍ଗ ଦେଲା।।

ରକ୍ତର ତୂଳୀରେ ମାଆର ବୁକୁରେ
ଲେଖିଲା ବିରୋତ୍ତୋର ଗାନ
କୋଳେ ତୋଲିନେଇ ବୀର ସନ୍ତାନକୁ
ମା କରେ ସ୍ନେହରେ ଚୁମ୍ବନ।।

ସୁଯୋଗ୍ୟ ସନ୍ତାନ ହୋଇଣ ମାଆର
ଦେଶ ପାଇଁ ଦେଲା ପ୍ରାଣ
ବିଦେଶୀ ଶତ୍ରୁ କୁ ନଦେଲା କଦାପି
ଛୁଞ୍ଚି ଅଗ୍ରେ ଯେତେ ସ୍ଥାନ।।

ପ୍ରତେକ ବରଷ ଜୁଲାଇ ଛବିଶ
କାର୍ଗିଲ ବିଜୟ ଦିନ
ବୀର ଯବାନଙ୍କୁ ସ୍ମରଣ କରିବା
ଜଣାଇ ତାଙ୍କୁ ସମ୍ମାନ।।

ମାତୃଭୂମି ମାତୃ ଋଣ ଜଗତରେ
କେହି ନ ପାରିଛି ସୁଝି
ସେଥିଲାଗି ବହୁ ରୁଧିର ବକ୍ଷରୁ
ଅବା ବୁଜୁ ଆମ ଆଖି।।

ମାତୃ-ଭାତୃ ପ୍ରେମ ଜାଗୁ ଆମ ପ୍ରାଣେ
ହେଉ ଆମ ଶେଷ ଇଚ୍ଛା
ଲାଗୁ ଅବା ଗୁଳି ହେଉ କିବା ସୂଳି
ନଦେବାରେ ପଛଘୁଞ୍ଚା।।
 
      ******🇮🇳🇮🇳*******
✍️ ସରୋଜିନୀ ମିଶ୍ର 
   ସିକୋ, ରାଜକନିକା , କେନ୍ଦ୍ରାପଡ଼ା