🇮🇳 କାର୍ଗିଲ ବିଜୟ ଦିବସ 🇮🇳

ଉଣେଇଶ ଅଠାନବେ ଶେଷାର୍ଦ୍ଧରେ
ଓ ଅଣସପତର ପ୍ରଥମାର୍ଦ୍ଧରେ ।
ଧରା ପୃଷ୍ଠେ ଥାଏ ଶୀତର ପ୍ରକୋପ
ଏହି ସମୟରେ ଶତ୍ରୁ କଲା କୋପ ।
ମାନିଲାନି ସେ ଆଗ ନିତୀ ନିୟମ
ସିମଲା ଲାହୋର ଚୁକ୍ତି ମୁଖ୍ୟ ଆମ ।
ଆରମ୍ଭିଲା ଘୃଣ୍ୟ କାମ ପୁଣି ଥରେ
ଏଲ୍ଓସିକୁ ଭେଜିଲା ସୈନ୍ୟ ମନ୍ଦରେ ।
ଥିଲା ଏହା ତାଙ୍କର ଅନ୍ତପ୍ରବେଶ
ଶୁଣିଲେ ଧନ୍ୟ କହିବ ତା ଉଦ୍ଦେଶ୍ୟ ।
ଦୁଇ ଭୁଖଣ୍ଡ ଲଦାଖ ଓ କାଶ୍ମୀର
ମଧ୍ୟରେ ଥିଲା ଯେଉଁ ସୂତ୍ର ଯୋଗର ।
ଵିଛିନ୍ନ କରିବାକୁ ସେ ଚାହୁଁଥିଲା
ଅହଂକାରେ ଵାରମ୍ବାର ପାଞ୍ଚୁଥିଲା ।
ସିଆଚେନ୍ ବରଫ ପିଣ୍ଡ ଉପରେ
ନିୟନ୍ତ୍ରଣ କରିବାକୁ ଚେଷ୍ଟା କରେ ।
ଭାବିଥିଲା ଗଢ଼ିବ ସେନା ଛାଉଣୀ
ଦିବାସ୍ବପ୍ନେ ରଚୁଥିଲା କାହାଣୀ ।
ଏମିତି ତ ସିଆଚେନ୍ ଆଡ଼୍ଡା ଥିଲା
ଆମକୁ ତଡିବ ବୋଲି ଭାବୁଥିଲା ।
ପାରିଲାନି କରି ସିଏ ଟଳମଳ
ଧର୍ମକୁ ନେଇ ପୁଣି ଖେଲିଲା ଖେଳ ।
ଆରମ୍ଭେ ଭାରତୀୟ ସୈନ୍ୟ ଭାବିଲେ
ଏ ପ୍ରବେଶୀ ସବୁ ଧର୍ମ ଯୋଦ୍ଧା ଥିଲେ ।
ଛଦ୍ମ ବେଶରେ କୌଶଳ ରଚୁଥିଲେ
ସେମାନେ ପ୍ରକୃତରେ ସେନା ହିଁ ଥିଲେ ।
ଆମ ପ୍ରହରୀ ମନେ ସନ୍ଦେହ ହେଲା
ଅଳ୍ପ ଦିନେ ସ୍ଥାନଟି ଛାଡ କହିଲା ।
ଦିନ ପରେ ଦିନ ବିତି ଯାଉଥିଲା
ତାଙ୍କର କାର୍ଯ୍ୟ କଳାପ ବଢୁଥିଲା ।
ଏକଥା ଆମ ସରକାରେ ପଡ଼ିଲା
ତିନି ଶିବିରକୁ ବାର୍ତ୍ତା ଦିଆଗଲା ।
ରାଷ୍ଟ୍ରପତି ଥିଲେ କେ ଆର୍ ନାରାୟଣ
ମହାମାନ୍ୟ ଅଟଳ ମନ୍ତ୍ରୀ ପ୍ରଧାନ ।
'ଅପରେସନ ବିଜୟ' ନାମ ହେଲା
ଓ 'ସଫେଦ ସାଗର' କୋଡ଼୍ ରହିଲା ।
ତିନି ମେ ଉଣେଇଶ ଅଣସପତ
ଆରମ୍ଭିଲା ଅପରେସନ ଭାରତ ।
ତେୟାଅଶୀ ଦିନ ପର୍ଯ୍ୟନ୍ତ ଚାଲିଲା
ରକ୍ତର ହୋଲି ଜୟଧ୍ବନୀ ଆଣିଲା ।
ପାଞ୍ଚ ଶହ ସତେଇଶ ମୃତ୍ୟୁ କଲେ
ତେର ଶହ ତେଷଠୀ କ୍ଷତ ହେଲେ ।
ଅଠର ହଜାର ଫୁଟ ଉଚ୍ଚତାରେ
ତ୍ରିରଙ୍ଗା ପତାକା ଉଡ଼ିଲା ଖୁସିରେ ।
ତେଣୁକରି ଆଜି ଦିନଟିକୁ ସର୍ବେ
ଵିଜୟ ଦିନ ରୂପେ ପାଳନ୍ତି ଗର୍ବେ ।
ସବୁଦିନ ପରି ପୁଣି ପାକିସ୍ତାନ
ମ୍ରିୟମାଣ ହୋଇ କରିଲା ରୋଦନ ।
****************************
ସୁଦଣ୍ଡ ପ୍ରସାଦ ନନ୍ଦ
କେଉଁଟିପାଲି, ଯୋଗିସର୍ଡା
ଲୋଇସିଁହା, ବଲାଙ୍ଗୀର
୭୬୭୦୨୦, ଓଡ଼ିଶା