:: କାର୍ଗିଲ୍ ବିଜୟ ଦିବସ ::

ଛବିଶ ତାରିଖ ଜୁଲାଇ ମାସରେ
ଉନେଇଶ ଅନେଶତ
କାର୍ଗିଲ୍ ଯୁଦ୍ଧରେ ବିଜୟୀ ହୋଇଲା
ଆମରି ଦେଶ ଭାରତ  ।

କାଶ୍ମୀର ଅଞ୍ଚଳ କାର୍ଗିଲ୍ ସୀମାରେ
ପାକ୍ କଲା ଆକ୍ରମଣ
କାଶ୍ମୀର ଅଞ୍ଚଳ ଦଖଲ ପାଇଁକି
କରିଥିଲା ଏ ଉଦ୍ୟମ  ।

ପାକିସ୍ତାନକୁ କଡା ଜବାବ ଦେଲେ
ଭାରତ ବୀର ଜବାନ
ଆକାଶ ମାର୍ଗରୁ ବାୟୁ ସେନା ପୁଣି
କରିଥିଲା ଘୋର ରଣ  ।

ଭାରତ ଦେଶକୁ ସାହାଯ୍ୟ କରିଲା
ବନ୍ଧୁ ରାଷ୍ଟ୍ର ଇସ୍ରାଏଲ
ଲଢେଇ କରିଣ ଅନେକ ଅଞ୍ଚଳ
ଭାରତ କଲା ଦଖଲ  ।

ଇଣ୍ଡୋନେସିଆ ଯେ ପାକିସ୍ତାନକୁ
ସହାୟତା କରୁଥିଲା
ଭାରତ ପକ୍ଷରୁ ଇସ୍ରାଏଲକୁ ଦେଖି
ଭୟ କରି ଚାଲିଗଲା  ।

ଇସ୍ରାଏଲ ଦେଲା ଯୁଦ୍ଧାସ୍ତ୍ର ପ୍ରସ୍ତୁତି
ନୂତନ ଞାନ କୌଶଳ
ଆକାଶ ମାର୍ଗରୁ ସାହାସ କରିଲେ
ବାୟୁ ସେନାର କୌଶଳ  ।

ପର୍ବତ ଉପରୁ ଶତୃର ଶଇନ
କରୁଥିଲା ଆକ୍ରମଣ
ପର୍ବତ ତଳରୁ ଲଢେଇ କରିଲେ
ନ ଡରି ଆମ ଯବାନ  ।

ଭାରତ ପାଇଲା ପ୍ରଥମ ସଫଳ
ବାଟାଲିକ୍ ସେକ୍ଟରରେ
ତଲୋଲଂ ଶୃଙ୍ଗକୁ ଅକ୍ତିଆର କଲା
ଜୁନ ତେର ତାରିଖରେ  ।

ଚାରି ଜୁଲାଇରେ ଟାଇଗର ହିଲ୍
ଭାରତ କଲା ଦଖଲ
ପାଞ୍ଚ ଜୁଲାଇରେ ପୁଣି ଅକ୍ତିଆର
କରିଲା ବ୍ରାସ୍ ଅଞ୍ଚଳ  ।

ଏଗାର ଜୁଲାଇରେ ବାଟାଲିକର
ଅନେକ ଶୃଙ୍ଗ ଦଖଲ
ଯୁଦ୍ଧକୁ ଡରିଣ ପଛଘୁଞ୍ଚା ଦେଲା
ପାକିସ୍ତାନ ସୈନ୍ୟ ଦଳ  ।

ପ୍ରଧାନମନ୍ତ୍ରୀ ଯେ ଅଟଳ ବିହାରୀ
ପ୍ରତିଜ୍ଞାରେ ସେ ଅଟଳ
ପାକିସ୍ତାନ ମନ୍ତ୍ରୀ ନବାଜ ସରିଫ
ପାଇଲାନି ଥଳକୂଳ  ।

ଚୌଦ ଜୁଲାଇରେ ସଫଳତା ହେଲା
ଅପରେସନ୍  ବିଜୟ
ଅଟଳ ବିହାରୀ ଘୋଷଣା କରିଲେ
ଭାରତ ହୋଇଛି ଜୟ  ।

ଛବିଶ ଜୁଲାଇ ଶେଷଯେ ହୋଇଲା
ଅପରେସନ୍ ବିଜୟ
ଏକତା ସ୍ଵରରେ ସଭିଏଁ ଗାଇଲେ
ଭାରତ ମାତା କୀ ଜୟ  ।

ଶହୀଦ ହୋଇଲେ ଆମରି ଯବାନ
ପାଞ୍ଚଶହ ସତେଇଶି
ଆହତ ହୋଇଲେ ଭାରତୀୟ ସେନା
ତେର ଶତକରୁ ବେଶି  ।

ଷାଠିଏ ଦିନରୁ ଅଧିକ ହୋଇଲା
ଏହି କାରଗିଲ୍ ଯୁଦ୍ଧ
ଭାରତ ସେନାର ବୀରତ୍ଵ ଦେଖିଣ
ପାକିସ୍ତାନ ହେଲା ସ୍ତବ୍ଧ  ।

ଦେଶ ମାତୃକାର ସୁରକ୍ଷା ପାଇଁକି
ଦେଶର ବୀର ଯବାନ
ପ୍ରାଣ ବଳି ଦେଇ ଅମର ହୋଇଲେ
ରଖିଲେ ଦେଶର ମାନ  ।

କାର୍ଗିଲ୍ ଶିଖରେ ତ୍ରିରଙ୍ଗା ଉଡିଲା
ଆମ ଧ୍ବଜା ଫରଫର
କାର୍ଗିଲ୍ ଯୁଦ୍ଧରେ ବିଜୟୀ ହୋଇଲା ଆମ ଦେଶ ଭାରତର  ।

କେତେ ଘରଣୀଙ୍କ ମଥାରୁ ସିନ୍ଦୁର
ଯାଇଅଛି ପରା ଲିଭି
ମାଆ ଭଉଣୀଙ୍କ ଆଖିର ଲୁହକୁ
କିଏ ବା ପାରିବ ଭୁଲି  ।

ଜନ୍ମଭୂମି ପାଇଁ ଯେଉଁ ବୀର ଗଣ
ଦେଇଗଲେ ଆତ୍ମ ବଳି
ସେମାନଙ୍କ ପାଇଁ ଆଖିର ଲୁହରେ
ଦେଉଅଛି ଶ୍ରଦ୍ଧାଞ୍ଜଳୀ  ।

ଜୁଲାଇ ଛବିଶ ଭୁଲିଯିବା ନାହିଁ
କାର୍ଗିଲ୍ ବିଜୟ ଦିନ
ସହୀଦ ମାନଙ୍କୁ ଶ୍ରଦ୍ଧାଞ୍ଜଳୀ ଦେଇ
କରୁଥିବା ଜୟ ଗାନ  ।

ବେଦବ୍ଯାସ ମେହେର
ଗ୍ରାମ:-ଖଇରପାଲି
ଥାନା:-ପଦ୍ମପୁର
ଜିଲ୍ଲା:-ବରଗଡ
ମୋ:-୯୯୩୮୩୩୯୦୨୯