" କାର୍ଗିଲ୍ ବିଜୟ ଦିବସ "

ଧନ୍ୟ ତୁମେ ହେ ଭାରତ ମାତାର
ବୀର ସୈନିକଗଣ,
କାର୍ଗିଲ୍ ମାଟିରୁ ଶତ୍ରୁ ତଡିବାକୁ
କରିଥିଲ ଅବା ପଣ।
ବୀର ଦର୍ପରେ ସାହସ ସହିତ
ଲଢିଲ ବୋଲି ତ ରଣ
ଭୀରୁ ପାକିସ୍ତାନ ପରିଶେଷେ ବାଧ୍ଯେ
କଲା ଆତ୍ମ ସମର୍ପଣ।
ଆସ୍ଫାଳନ କରି ଯୁଦ୍ଧ ଭୂମି ଛାଡ଼ି
କଲା ଶେଷେ ପଳାୟନ,
କାର୍ଗିଲ୍ ନେବ ଭାରତ ଭୂଇଁରୁ
ଭାବିଥିଲା ପାକିସ୍ତାନ।
ଶୃଗାଳ ହୋଇ ତୁ ସିଂହ ଗୁମ୍ଫା ଦ୍ବାରେ
ଛାଡିବୁରେ ଯଦି ରଡି,
କେମିତି ଭାବିଲୁ ଡରିଯିବ ସିଂହ
ବେକକୁ ତୋର ନ ମୋଡ଼ି!
ଅଟଳ ବିହାରୀ ଅଟଳ ନିଷ୍ପତ୍ତି
ରଖିବାକୁ ମାଆ ମାନ,
ଯୁଦ୍ଧାଦେଶ ଦେଲେ ଭାରତ ଶଇନେ
ତଡିବାକୁ ପାକିସ୍ତାନ।
ଆଜି ସେହି ଦିନ ଯେଉଁଦିନ ପାକ୍
ମାନିଯାଇଥିଲା ହାର,
କାର୍ଗିଲ୍ ବିଜୟ ଦିବସ ଏହି ଯେ
ମନୁ ନାହିଁ ଭୁଲିବାର।

ଶୁଭକାନ୍ତ ସାହୁ
ଦେଉଳପଲ୍ଲୀ, କଳମ୍ବ, ପୋଲସରା, ଗଞ୍ଜାମ।
ପିନ୍: ୭୬୧୧୦୫
ମୋ: ୯୮୬୧୭୩୨୨୫୬