କାର୍ଗିଲ୍ ବିଜୟ ଦିବସ
       ========
ଭାରତୀୟ ସେନା     ବୀରତ୍ୱର ଗାଥା
    ତ୍ଯାଗ ବଳିଦାନ କଥା
ଶୁଣିଲେ ଆଶ୍ଚର୍ଯ୍ଯ     ଚକିତ ହୋଇବ
     ଘୂରିଯିବ ତୁମ ମଥା ।
ବୀର ପ୍ରସବିନୀ      ଭାରତ ଜନନୀ
     ପୁଣ୍ଯ ଏହି ଜନ୍ମଭୂମି
ତାହାରି ସୁରକ୍ଷା      ଅଟେ ତାଙ୍କ ଦୀକ୍ଷା
    ତାହାରି କୋଳେ ଜନମି ।
ଅତୀତରେ କେତେ    ବୀର ସୈନ୍ଯ ସତେ
       ଅର୍ପଣ  କରି   ମସ୍ତକ
ସମରେ ବଇରୀ      ସୈନ୍ଯ ନାଶ କରି
     ରଖିଲେ ଭାରତ ଟେକ ।
ଦୁଷ୍ଟ ପାକିସ୍ଥାନ      କପଟୀ ଯେ ଚୀନ
       କରନ୍ତି  କପଟ  ରଣ
ଭାରତୀୟ ବୀର     ଯବାନ ଆମର
     ଭାଙ୍ଗିଥାନ୍ତି ତାଙ୍କ ଟାଣ ।
ହିମାଳୟଠାରୁ      କୁମାରିକା ଯାଏ
     ଅଖଣ୍ଡ ଭାରତ ଭୂମି
ଭୂସ୍ୱର୍ଗ କାଶ୍ମୀର     ପାଇଁ ପାକିସ୍ଥାନ
     କରୁଅଛି ପାଗଳାମି ।
ଊଣେଇଶି ଶହ     ଅନେଶତ ସାଲେ
     ଅକୃତଜ୍ଞ ପାକିସ୍ଥାନ
ଶାନ୍ତି ବାର୍ତ୍ତା ନାମେ    ଭାରତକୁ ଛନ୍ଦି
   କଲା ଗୁପ୍ତ ଆକ୍ରମଣ ।
ହୃଦୟରେ ରଖି     ଗୁପ୍ତ ଅଭିଳାଷ
     ଲଦାଖ ଲାଭ ଲାଳସା
ଛଦ୍ମବେଶେ ସେନା   ପଠାଇଲା ସେହି
    ମୁଖେ ରଖି ଶାନ୍ତି ଭାଷା ।
ଅଟଳ ବିହାରୀ     ଅଟଳ ଆହ୍ୱାନ 
     ଅଟଳ ପ୍ରତିଜ୍ଞା ବଳେ
ଦେଶବାସୀ ସର୍ବେ   ହେଲେ ଏକଜୁଟ
     ସେନାକୁ ସାହସ ଦେଲେ ।
ଦ୍ରାସ୍ କାରଗିଲ     ଭଳି ପ୍ରତିକୂଳ
   ପରିବେଶେ କରି ରଣ
ଦେଶ ମାତୃକାର     ସୁରକ୍ଷା ସକାଶେ
     ବାଜି ଲଗାଇଲେ ପ୍ରାଣ ।
ଅପୂର୍ବ ବୀରତ୍ୱ     ଅଦମ୍ଯ ସାହସ
    ଅଦ୍ୱିତୀୟ ତ୍ଯାଗ ବଳେ
ଶତ୍ରୁ ସାଥେ ଲଢ଼ି    କାରଗିଲ ଯୁଦ୍ଧେ
    ଦେଶକୁ ବିଜୟ ଦେଲେ ।
ଜୁଲାଇ ଛବିଶ      ବିଜୟ ଦିବସ
     କାର୍ ଗିଲ୍ ସହୀଦ ପାଇଁ
ଭୁଲିବନି କେବେ   ଏ କୃତଜ୍ଞ ଦେଶ
    ତୁମ ବଳିଦାନ ଭାଇ ।
****************************
ନାମ- ଶିବ ପ୍ରସାଦ ହାତୀ
ବିଜାଢୋଲ,ଝାରବନ୍ଧ,ବରଗଡ଼