: କାର୍ଗିଲ ବିଜୟ ଦିବସ :
କାର୍ଗିଲ୍ ଏକ ଶବ୍ଦ ନୁହେଁ
ପ୍ରତ୍ଯକ ଦେଶପ୍ରେମୀଙ୍କର
ହୃଦୟର ଚିହ୍ନ
ସ୍ୱର୍ଣ୍ଣାକ୍ଷରେ ଲିପିବଦ୍ଧ
ଯାହାରି ନାମ ।

ଆଜି ବି ରହିଛି ଏହାରି ମାନ
ବୀରତ୍ୱର ଗାଥା
ଆଉ ଟେକ
ରହିଛି; ରହିବ
ଏହାରି ସମ୍ମାନ ।

ଦେଶବାସୀଙ୍କର ଭାବରେ
ଭରା ଏହିଦିନ
ମାଟି ମା’ କୁ ସୁରକ୍ଷା ଦେଇ
ସହିଦ୍ ହୋଇଥିବା ସମସ୍ତ ବୀର
ଭାରତମାତାର
ଯୋଗ୍ଯତମ ସନ୍ତାନ ।

କେତେ ଯେ ବୀରପଣ
ବୀରଦର୍ପରେ
ହସି ହସି ଶତ୍ରୁର ମୁକାବିଲା କରିଥିଲେ
ନିଜକୁ ଭୁଲି
ଦେଶମାଟିକୁ ମା ବୋଲି ମାନିଥିଲେ
ଆଜି ଝୁରେ ନିଜ ଗାଁ
ଝୁରେ ନିଜ ମାଁ ନିଜ ପୁଅକୁ।

ହେଲେ ବିଜୟର ପତାକା ଉଡେଇ
ବୀରପୁତ୍ର ଶୋଇଗଲେ
ଅନ୍ଧାରି ଆଢୁଆଳେ
ଦେଶବାସୀଙ୍କୁ ଚଖେଇ
ବିଜୟର ସ୍ୱାଦ
ଜନ୍ମଭୂମିର ଯଶ ରଖି ଚାଲିଗଲେ ।

ଆଜି ବି ମନେପଡେ
ସେ ରାତ୍ରିର ଅନ୍ଧକାର
କୋଳାହଳପୂର୍ଣ୍ଣ
ଆର୍ତ୍ତଚିତ୍କାର ଗୁଳିର ଶବ୍ଦ
ତୋପର ଭୟ
ସବୁପରେ ଥାଏ ଅଖଣ୍ଡ ଭୂମିରେ
ଫରଫର ଉଡି
ବିଜୟର ଗୀତି
ଗାଉଥିବା ତ୍ରିରଂଗା।

ଯାହା ଲୁହର ଚକ୍ଷୁରେ
ନିମିଷକ ମଧ୍ଯରେ
ଖୁସିର ରଂଗ ଭରିଦିଏ।

©️ ଶୁଭ୍ରା ସନ୍ତୋଷୀ ଗୌଡ
ରହିତ୍ କଲୋନୀ
ରାୟଗଡା-୭୬୫୦୦୧