* କାର୍ଗିଲ୍ ବିଜୟ ଦିବସ *
*************************
ଦୀର୍ଘ  ଦିନର        ବିରତି  ପରେ
         ଆଇରିର ଆଗମନ
ଲୁଚିଛପି ଆସି      ବଇରୀ ସାଜିଣ
        ପଶିଥିଲା ପାକିସ୍ଥାନ ।--୧

ଭାରତ ମାତାର      ପର୍ବତ ଶିଖର
        କାର୍ଗିଲ୍ ଯାହାର ନାମ
ସଜାଗ ହୋଇଲେ   ଭାରତ ସଇନ
       ରଖିଲେ "ବିଜୟ" ମାନ।--୨

ହିମ ଆଚ୍ଛ୍ଵାଦିତ   ହିମାଳୟ ପାଶେ
         ଗରଜୁଥିଲା  କମାଣ
ସଙ୍ଗୀନ ଥିଲା     ପରିବେଶ ତା'ର
        ଚଳିପଡ଼ୁଥିଲେ ଜବାନ ।--୩

ବୀର ପ୍ରସବିନୀ    ଭାରତ ଜନନୀ
      ଦେଲା କେତେ ବଳୀଦାନ
ପରାଭବ ପାଇ     ପଛଘୁଞ୍ଚା ଦେଇ
       ଫେରିଗଲେ   ଶତ୍ରୁଗଣ ।--୪

କାର୍ଗିଲ୍ ଶିଖରେ    ଉଡ଼ିଲା ତ୍ରିରଙ୍ଗା
          ଶୁଭିଲା ବିଜୟଗାନ
ଏ ମାଆ ମାଟିର     ପୁଙ୍ଗବ ବୀର 
        ରଖିଲେ ଜାତି ସମ୍ମାନ ।--୫

ଆମର ଜବାନ    ଅମର ହୋଇଲେ
         ରଖି ନିଜ ସ୍ୱାଭିମାନ
ଶାନ୍ତି ଆମେରେ     ମୈତ୍ରୀ ଆମର
        ଆମେ ପ୍ରୀତିର ସନ୍ତାନ।--୬

'ଅମର ଜ୍ୟୋତି'   'ସ୍ମୃତିସ୍ତମ୍ଭ'ପାଦେ
        ଶ୍ରଦ୍ଧାଞ୍ଜଳି  ମାଲ୍ୟାର୍ପଣ
କାର୍ଗିଲ୍  ଦିବସ      ରଚି ଇତିହାସ
        କରେ ବୀରଙ୍କୁ ସ୍ମରଣ ।--୭
.........................................
ଅମୂଲ୍ୟ କୁମାର ଦାଶ (ବିଜ୍ଞାନ ଶିକ୍ଷକ)
ଦାଶରଥି ନଗର, ତାଲୁକା ରୋଡ ,
ପୋଷ୍ଟ-ଆସିକା
ଜିଲ୍ଲା-ଗଞ୍ଜାମ,୭୬୧୧୧୦
📞୯୮୬୧୬୬୩୭୪୫
**************************