" କାର୍ଗିଲ ବିଜୟ ଦିବସ "
                            

ଷାଠିଏ ଦିନର            ଭୀଷଣ ଯୁଦ୍ଧର     
          ଅବସାନ ପରେ ଦେଖ 
ଭାରତ ମାତାର          ହେ! ବୀର ସନ୍ତାନ
          ରଖିଲ ଭାରତ ଟେକ  ।

ପାକ ସେନାଙ୍କର        କବଳରୁ କଲ
          କାର୍ଗିଲ ଶିଖର ମୁକ୍ତ
ବିଶ୍ୱ ଜାଣିଲାରେ       ଭାରତୀୟ ସେନା
          ନୁହେଁରେ ସିଂହ ସୁପ୍ତ  ।

ଉଦ୍ୟମ ତୁମର           ନୁହଁଇ ରେ ବ୍ୟର୍ଥ
           ଅଦମ୍ୟ ସାହସ ପାଇଁ
ଭାରତର ଡାକ          ବିଶ୍ୱେ ଶୁଣାଇଲା
           କାର୍ଗିଲର ମାଟି ସେହି  ।

ପାଞ୍ଚ ଶତ ପୁଣି        ଶତେଇଶି ଜଣ
        ହୋଇଲେ ସହିଦ ସେଠି
ମାଟି ମାଆ ପାଇଁ      ଜନମ ତାଙ୍କର
       ସାର୍ଥକ ହୋଇଛି ଏଠି  ।

ଦିନ ଚାଲିଗଲା        ଚିହ୍ନ ରହିଗଲା
        କାର୍ଗିଲର ଯୁଦ୍ଧ ପାଇଁ
ଜୁଲାଇ ମାସର        ଛବିଶି ତାରିଖ
         ବିଜୟ ଦିବସ ଏହି  ।

ତୁମରି ସାହସ        ମାଟି ମା' ସୁରକ୍ଷା
        ଦେଶ ପାଇଁ ତୁମ ଜନ୍ମ
ବୀରତ୍ବର ପାଇଁ       ଭାରତ ଆକାଶେ
       ଉଡେ ଆଜି ତୁମ କର୍ମ  ।

ଭାରତ ବର୍ଷର        କୋଟି କୋଟି ପ୍ରାଣେ
         ସାହସ ସଞ୍ଚାର କଲ
ଦେଶ ବାସୀଙ୍କର      ସୁରକ୍ଷାର ପାଇଁ
         ନିଜର ଜୀବନ ଦେଲ ।

ଧନ୍ୟ ତୁମ ଜନ୍ମ          ଏ ପୁଣ୍ୟ ଭୂମିରେ
        ଜୀବନକୁ ବାଜି ଦେଲ
ଭାରତ ବର୍ଷର          କୋଟି କୋଟି ପ୍ରାଣେ
        ଚୀର ନମସ୍ୟ ଯେ ହେଲ  ।

ସୂର୍ଯ୍ୟ ଚନ୍ଦ୍ର ତାରା         ଆତଯାତ ଯାଏ
             ତୁମ କର୍ମ ଶୁଭୁଥିବ
ଭାରତ ମାତାର          ହେ! ବୀର ସନ୍ତାନ
           ଆଉଥରେ ଜନ୍ମ ନେବ  ।

ହେ! ଯୋଗ୍ୟ ସନ୍ତାନ       ଜାଗ୍ରତ ପ୍ରହରୀ
           ଅସୀମ ବୀରତ୍ବ ତୁମ
ଦେଶ ଜାତି ପାଇଁ          ସୁ କର୍ମ ତୁମର
          ସଲାମ କରେ ଏ ଧାମ  ।

               

  (ଏଠାରେ ଧାମ ଅର୍ଥ ଭାରତ ବର୍ଷକୁ ବୁଝିବେ)
 
ରଞ୍ଜନ କୁମାର ପଣ୍ଡା
ସଂସ୍କୃତ ଶିକ୍ଷକ
  ସରକାରୀ ଉଚ୍ଚ ବିଦ୍ୟାଳୟ, ଗୁପ୍ତେଶ୍ଵର
                 କୋରାପୁଟ