::ଗୁରୁ ହିଁ ଈଶ୍ୱର ::


ଗୁରୁ ବ୍ରହ୍ମା ଗୁରୁ ବିଷ୍ଣୁ
         ଗୁରୁ ମହେଶ୍ୱର
ଗୁରୁ ମାତା ଗୁରୁ ପିତା
          ଗୁରୁ ବିଜ୍ଞାନର ।
ଶିକ୍ଷା ଗୁରୁ ଦୀକ୍ଷା ଗୁରୁ
           ଛନ୍ତି କେତେ ଗୁରୁ
ତାଙ୍କ ପାଦ ପଦ୍ମେ ମଥା
            ନତ କରେ ଦୂରୁ ।
ଯା'ର ପାଦ ପଦ୍ମ ଦିବ୍ୟ
            ବଚନ ଯା' ଦିବ୍ୟ
ସେ ମହତ ସେ ସମ୍ମାନ
             ଜ୍ଞାନ ଖଣି ଭବ୍ୟ ।
କଦା କଦା ଆସନ୍ତି ସେ
              ମାନବ ଗହଣେ
ପ୍ରତ୍ୟକ୍ଷ ପରୋକ୍ଷ ଭାବେ
              ସଦ୍ୟ ଗୁରୁ ଗଣେ ।
ଈଶ୍ୱର ହିଁ ଅବତାର
               ନାନା ରୂପ ନାମେ
ଢ଼ାଳି ଦ୍ୱନ୍ତି ଜ୍ଞାନ ପ୍ରଭା
               ଆସି ଧରା ଧାମେ ।
ଅଜ୍ଞାନ ତିମିରାଛନ୍ନ
              ବ୍ୟସ୍ତତା ବିବ୍ରତ
ପଥ ହରା ଭ୍ରଷ୍ଟ ଜନ
                ପଡ଼ି ଯେ ଆହତ ।
ଆହତେ ଆକୁଳ ଚିତ୍ତ
                 ପଥ ଧଣ୍ଡାଲଇ
ଈଶ୍ୱର ହିଁ ଏହିକ୍ଷଣି
                  ଗୁରୁ ରୂପ ଭେଇ ।
ଆସି ଖୋଳି ଦ୍ୱନ୍ତି ଜ୍ଞାନ
                   ନୟନଟି ବେନି
ଆପଣେ ଆଲୋକ ଜ୍ୟୋତି
                   ସହରଷେ ସାଜି ।
ତେବେ ଅଜ୍ଞାନ ଅପଥ
                    ଜନ ଦେଖେ ନିଜ
ଉଚିତ ଜ୍ଞାନ ସୁପଥ
                     ପାଏ ସେ ସହଜ ।
ଗୁରୁ ଗଣ ଅବର୍ଣ୍ଣନୀୟ
                   ଅଟଇ ଅପାର
ଜନ ସମାଜରେ ଗୁରୁ
                   ଚିର ନମସ୍କାର ।
ଅବତାର ନେଇ ଥାନ୍ତି
                    ସତ୍ୟର ସେ ସାର
ଯୁଗେ ଯୁଗେ ଅଭିହିତ
                    ଗୁରୁ ହିଁ ଈଶ୍ୱର ।


       କ୍ଷୀରୋଦ୍ର ସାହୁ
ହୃଷିକେଶ
ଉତ୍ତରାଖଣ୍ଡ
୯୫୪୮୭୨୩୯୩୨
ତାରିଖ ୨୮ ୬ ୨୦୨୦