🌹🌹ଦେଶପ୍ରେମୀ🌹🌹
                            
ଜନ୍ମ ଭୂମି ପ୍ରୀତି               
 ଦେବତ୍ଵ ପ୍ରବୃତ୍ତି
 ଦେଶର ଜନତା ତାର ଅନୁରାଗୀ
ଦେଶର ସମୃଦ୍ଧି 
ଗୌରବରେ ମଜ୍ଜି
ଆନନ୍ଦ ହୁଅନ୍ତି ତାର ଅଧିବାସୀ  ।

ଦୁର୍ଭାଗ୍ୟ ଦୁର୍ନୀତି
ଅବନତି ନୀତି
ପରାଧୀନତାର ବିଷାଦର ମତି
ବ୍ୟକ୍ତିର ହୃଦୟ
ଆଭ୍ୟନ୍ତରେ ଦେଖ
ଦେଶପ୍ରୀତି ଭାବ ମମତ୍ୱର ବୋଧ ।

ସୁବିମଳ ସିଏ 
ଉଚ୍ଚକୋଟିରର
ଦେଶପ୍ରୀତି ଦେଶ ସଂସ୍କୃତି ତାହାର
ଦେଶର ସଂସ୍କୃତି
ସଂମ୍ମାନର ସେତୁ
ଦେଶ ପ୍ରେମୀଙ୍କର ଆନନ୍ଦର ହେତୁ ।

ଦେଶ ପ୍ରେମ ଯେବେ 
ହୋଇବ ଜାଗ୍ରତ
ଦେଶ ଶକ୍ତିଶାଳୀ ହୋଇବ ନିଶ୍ଚିତ
ନିଷ୍କ୍ରିୟ ଜାତିକୁ 
କ୍ରିୟାଶୀଳ ପାଇଁ
ଦେଶ ଭକ୍ତି ଭାବ କର ଉଜ୍ଜୀବିତ  ।

ଦେଶ ପ୍ରିତି ବିନା
ପରାଧୀନତାର
ନାଗଫାସୁ ଜାତି ମୁକ୍ତି ଅସମ୍ଭବ
ଦେଶପ୍ରେମ ଯୋଗୁଁ 
ଦେଶର ପ୍ରଗତି
ଜନତାଙ୍କ ସ୍ୱାଭିମାନରେ ସମ୍ଭବ ।

ଅତୀତ ଗୌରବ
ଅତୀତର ଜ୍ବାଳା
ଶିଖାଏ ଆମକୁ ଦେଶ ପ୍ରେମ ଧାରା
ଜାତିର ଉତଥାନ 
ପତନର କଥା
ଇତିହାସ ଦିଏ ଏଠି ମହାଶିକ୍ଷା  ।

ଦେଶେ ଅବନତି 
ଘଟେ ଯେତେବେଳେ
ଯୋଗଜନ୍ମା ଆବିର୍ଭାବ ସେତେବେଳେ
ସେହି ଦେଶପ୍ରେମୀ
ମହାତ୍ମାବୃନ୍ଦଙ୍କୁ
ଆମନ୍ତ୍ରନ୍ତୀ ଏଠି ଜନତା ସକଳେ ।

ଦେଶପ୍ରେମୀ ହେବା
ସ୍ୱାର୍ଥ ତ୍ୟାଗୀ ହେବା
ଦେଶବାସୀଙ୍କର ସେବାରେ ଲାଗିବା
ଚିନ୍ତା ଚେତନାର 
ଉର୍ଦ୍ଧରେ ରହିବା
ସହିଷ୍ଣୁତା ଶ୍ରଦ୍ଧା ଭାବନା ଧରିବା  ।

ଦେଶପ୍ରେମ ଭାବ
ମହନୀୟ ଗୁଣ
ଦେଶର ସୌଭାଗ୍ୟ ବିକାଶେ ପ୍ରବାହ
ସଚ୍ଚା ଦେଶପ୍ରେମୀ
ତ୍ୟାଗ ସେବା ଧର୍ମୀ
ଦେଶଗଠନରେ ହୁଅନ୍ତି ନିର୍ବାହ  ।

               ରଞ୍ଜନ କୁମାର ପଣ୍ଡା
                   ସଂସ୍କୃତ ଶିକ୍ଷକ
     ସରକାରୀ ଉଚ୍ଚ ବିଦ୍ୟାଳୟ, ଗୁପ୍ତେଶ୍ଵର
                    କୋରାପୁଟ
                   🙏🏻🙏🏻🙏🏻