*ଗୁରୁ ହିଁ ଈଶ୍ୱର*
*************
ବିଶ୍ୱ ଗୁରୁ       ବିଶ୍ୱ ସ୍ରଷ୍ଟା
      ପ୍ରଭୁ   ବିଶ୍ୱନାଥ
ଗଢିଛନ୍ତି     ସ୍ନେହ ଦେଇ
     ଏ ସାରା  ଜଗତ।।

ଜହ୍ନର  ଜ୍ୟୋସ୍ନାକୁ  ଭରି
    କାଳିମା ଅନ୍ଧାରେ
ଅବସ୍ଥାନ        କରିଛନ୍ତି
    ଗୁରୁ   ବନ୍ଦନାରେ।।

କାତରତା  ହୋଇ ମନେ
     ସର୍ବ  ହିତ  ପାଇଁ
ଗୁରୁ ରୂପେ    ବିଦ୍ୟମାନ
     ଜଗତ ଗୋସାଇଁ।।

ପିତା,ମାତା,ଗୁରୁ   ଆମ
    ହୃଦେ ପୂଜା ପାଇ
ସ୍ବର୍ଣ୍ଣାଭ ସକାଳ ଦେଖାନ୍ତି
କେତେ ଶିକ୍ଷା ଦେଇ।।

ସଭିଏଁ     ନତ    ମସ୍ତକ
    ବ୍ୟକ୍ତିତ୍ୱେ ତାଙ୍କର
ତାଙ୍କ ମଥା     ଉଚ୍ଚ ହୁଏ
    ଶିଷ୍ୟ   ସ୍ପଷ୍ଟତାର।।

ଶୁଷ୍କ   କଥନୀକା   ଭରା
    ଯେତେ  ମରୁଭୂମି
ତାଙ୍କ ପାଦ     ସ୍ପର୍ଶ ଲଭି
     ହୁଏ   ଦେବଭୂମି।।

ଛାତ୍ର ଅବା    ଜ୍ଞାନି, ଗୁଣି
  ଯେତେ ନାରୀ,ନର
ସଭିଙ୍କର        ପରଂବ୍ରହ୍ମ
   ଗୁରୁ    ହିଁ   ଈଶ୍ୱର।।

ଶୁଣ ଦେଇ     ମନ ଥରେ
     ହେ! ବିଶ୍ୱ ଜନତା
ପିତା,ମାତା,ଗୁରୁ ସେ ଯେ
    ବିଶ୍ୱର     ବିଧାତା।।

ତାଙ୍କ ପୟେ   ଢାଳୁଥିଲେ
    ସଦା  ଭକ୍ତି   ପୂତ
ଜୀବନରେ   ଜୟୀ ହେବୁ
    ଯେତେ ପ୍ରତିଘାତ।।
*************************
ଅଜୟ କୁମାର ଜେନା
ବଡ଼ରମ୍ପାସ,କେନ୍ଦୁଝର
6372260479