★★★(ଗୁରୁ ହିଁ ଈଶ୍ୱର)★★★

ଗୁରୁ ବ୍ରହ୍ମା ଗୁରୁ ବିଷ୍ଣୁ
ଗୁରୁଦେବ ମହେଶ୍ୱର ।
ଗୁରୁ ସାକ୍ଷାତ ପରଂବ୍ରହ୍ମ
ତସ୍ମୈଶ୍ରୀ ଗୁରବେ ନମଃ ।।

ଗୁରୁ ବିନା ନାହିଁ ଜୀବନେ ଆଲୋକ
ଅନ୍ଧାରେ ପ୍ରଦୀପ ଶିଖା
ଜ୍ଞାନ ବିନା କେହି ହୁଏନା ମହାନ
ଗୁରୁ ବିନା ଲାଗେ ଏକା

ଆଦ୍ୟେ ମାତା ଗୁରୁ ଦ୍ଵିତୀୟରେ ପିତା
ତୃତୀୟରେ କର୍ଣ୍ଣଗୁରୁ
ଚତୁର୍ଥରେ ଦୀକ୍ଷା ପଞ୍ଚମରେ ଶିକ୍ଷା
ଜୀବନ ର ପଞ୍ଚଗୁରୁ

ନିରାଶ ରେ ତୁମେ ଆଶା ବୁଣି ଯାଅ
ତୁମେ ପଥପ୍ରଦର୍ଶକ
ଅଜ୍ଞାତ ରୁ ଜ୍ଞାତ, ଜ୍ଞାନର ଭଣ୍ଡାର
ଜୀବନ ମାର୍ଗଦର୍ଶକ

ଈଶ୍ୱର ରୂପରେ ଥାଅ ସବୁ ସ୍ଥାନେ
ଅଜ୍ଞାନୀ କୁ ଜ୍ଞାନ ଦେଇ
ପିତା ମାତା ରୂପେ ଦୁନିଆ ଦେଖାଅ
ମୋ ଜୀବନେ ହୋଇ ଛାଇ

ସମାଜ ହିତରେ ଜଳାଞ୍ଜଳି ଦେଇ
ସାଜିଛ ଦୟାର ପାତ୍ର
ତବ କୃପା ବଳେ ଆଜି ମୁ ମହାନ
ଖୁସିରେ ହସୁଛି ନେତ୍ର

ବିଦ୍ୟା ବୁଦ୍ଧି ଦେଇ ଦେଖାଇଛ ବାଟ
ନ କରି ଭେଦ ଅଭେଦ
ମାନବିକତା ର ହୃଦୟ ଦେଇଛ
ସବୁରି ମନେ ଆନନ୍ଦ

ଆକାଶ ଠୁ ବଡ ହୃଦୟ ତୁମର
ସାଗରୁ ଗଭୀର ମନ
ତବ ପାଦ ତଳେ ରହୁ ମୋ ମସ୍ତକ
ତୁମକୁ କୋଟି ପ୍ରଣାମ

ତୁମେ ବ୍ରହ୍ମା, ବିଷ୍ଣୁ ତୁମେ ମହେଶ୍ୱର
ତୁମେ ଜଗତ ଈଶ୍ୱର
ତବ ଜ୍ଞାନ ବଳେ ଜିଣଇ ଜଗତ
ତୁମେ ଜ୍ଞାନ ର ସାଗର

ଗୁରୁ ନିନ୍ଦା କଲେ ନରକ ଯେ ମିଳେ
ନୁହେଁ ସେ କେବଳ ନର
ଗୁରୁ ଆଜ୍ଞା ବଳେ ଅମରତ୍ୱ ଲଭେ
ସେ ଯେ ସାକ୍ଷାତ ଈଶ୍ୱର

ପ୍ରତିଟି ହୃଦୟେ ଗୁରୁ ସର୍ବଶ୍ରେଷ୍ଠ
ତୁମେ ହିଁ ଜୀବନେ ସତ୍ୟ
ଗୁରୁ ପଦ ସଦା ରହିବ ଅମର
ପୂଜା ପାଉଥିବ ନିତ୍ୟ

ଗୁରୁ ତୁମେ ଏଇ ସୁନ୍ଦର ସୃଷ୍ଟିର ଏକ ସ୍ରଷ୍ଟା...
ତୁମେ ଅନ୍ଧାର ରେ ଆଲୋକ
ତୁମେ ନିରାଶା ରେ ଆଶା
ତୁମେ ପଥପ୍ରଦର୍ଶକ ଓ ମାର୍ଗଦର୍ଶକ
ତୁମେ ମହାନ ଶକ୍ତି ରୂପି ଈଶ୍ୱର
ତୁମେ ପ୍ରେମର ମୂର୍ତ୍ତି
ତୁମେ ଜ୍ଞାନର ପରିଭାଷା
ଆରତୀ ପୂଜା ପ୍ରାର୍ଥନା
ତୁମେ ଶକ୍ତି ତୁମେ ମୁକ୍ତି
ତୁମେ ଦୟା ର ସାଗର
ପୁଣି ତୁମେ କ୍ଷମା ର ପାତ୍ର
ତୁମେ ଆକାଶ ଠୁ ବଡ, ସାଗର ରୁ ଗଭୀର
ତୁମେ ଏ ସଂସାର ପାଇଁ ଅମର
********************************
ଆଶିଷ କୁମାର ବାରିକ
ସିହିନୀ ବେଳପଡା ବଲାଙ୍ଗୀର
ଶିକ୍ଷକ
ସରକାରୀ ନୋଡାଲ ଉ. ପ୍ରା. ବିଦ୍ୟାଳୟ, ବାହାବଲ
9938330874/ 9438051786
*********************************