'ଗୁରୁ ହିଁ ଈଶ୍ୱର '
***************
ମାତା ଗୁରୁ,ପିତା ଗୁରୁ,କର୍ଣ୍ଣ ଗୁରୁ
ଶିକ୍ଷା ଗୁରୁ, ଦୀକ୍ଷା ଗୁରୁ
ଏ ପାଞ୍ଚ ଗୁରୁର ବୈଶିଷ୍ଟ୍ୟ ଯା'ପାଖେ
ସେହି ହିଁ ପ୍ରକୃତ ଗୁରୁ ।।ଆନ୍ତରିକ ସହ ଶିଷ୍ୟ ଙ୍କ କଲ୍ୟାଣ
ଇଚ୍ଛା ଯା'ପାଖରେ ଥାଏ
ଏହି ଜଗତରେ ସେହି ହିଁ ପ୍ରକୃତ
ଗୁରୁ ବୋଲି ପୂଜା ପାଏ ।
ପ୍ରକୃତ ଗୁରୁ ଯେ'ନିଜକୁ କଦାପି
ଭଗବାନ ମଣନ୍ତି ନାହିଁ
ଆପଣା ପୂଜନ, ଧ୍ୟାନ କରିବାକୁ
ଭକ୍ତ ଙ୍କୁ ଭୁଲାନ୍ତି ନାହିଁ ।
ଅନାଦି ପରମବ୍ରହ୍ମ ଙ୍କ ପୂଜନ
ନିମନ୍ତେ ଭକ୍ତ ଗଣଙ୍କୁ
ପ୍ରେରଣା ଦିଅନ୍ତି ତାଙ୍କ ନାମ ଜପ -
ଧ୍ୟାନ ଆଦି କରିବାକୁ ।
ପ୍ରତ୍ୟେକ ମନୁଷ୍ୟ ଆତ୍ମା ଟି ଅମର
ଶରୀରଟି ମାଟି ଘଟ
ଆତ୍ମା ଗଲେ ଚାଲି ଏ ଘଟଟି ଦିନେ
ହୋଇଯିବ ସିନା ନଷ୍ଟ ।
ପରମାତ୍ମା ସଙ୍ଗେ ଆତ୍ମା ମିଶିଗଲେ
ଜୀବନ ହୁଏ ସାର୍ଥକ
ଉକ୍ତ କାର୍ଯ୍ୟ ପାଇଁ ସିନା ମନୁଷ୍ୟକୁ
ସଦ୍ ଗୁରୁ ଆବଶ୍ୟକ ।
ସଦ୍ ଗୁରୁ ମାଧ୍ୟମେ ପାଞ୍ଚଟି ଉପାୟେ
ଶିଷ୍ୟ ହୁଏ ଲାଭବାନ
ନାମ ଜପ, ଧ୍ୟାନ ଧାରଣା, ସେବା ଓ
ସତ୍ ସଙ୍ଗ, ଆଜ୍ଞା ପାଳନ ।
ଯା'ଠାରେ ନଥାଏ ଲୋଭ,ମୋହ,ମାୟା
ହିଂସା, ମଦ ଓ ମାତ୍ସର୍ଯ୍ୟ
ମନ୍ଦ ଆଚରଣ, କୁପ୍ରେରଣା ଆଉ
ମିଥ୍ୟା ସହିତରେ କ୍ରୋଧ ।
ସଦ୍ ଗୁରୁ ଈଶ୍ୱର, ଯାହା ମାଧ୍ୟମରେ
ଶିଷ୍ୟର ଉଦ୍ଧାର ହୁଏ
ଯାହା ପାଇଁ ଶିଷ୍ୟ ସଦ୍ ଜ୍ଞାନ ପାଇ
ଏ ଜନ୍ମରୁ ମୁକ୍ତି ପାଏ ।
ନରୋତ୍ତମ ପାତ୍ର, ନାସିଗାଁ, କଳାହାଣ୍ଡି
0 Comments