::ଗୁରୁ ହିଁ ଈଶ୍ୱର::

ମାତା ଗର୍ଭୁ ଯେବେ ହୋଇଲି ଭୂମିଷ୍ଟ
ନଥିଲା ମୋହର ଜ୍ଞାନ
ପ୍ରଥମ ଗୁରୁ ମୋ ଜନ୍ମ ଦାତ୍ରି ମାତା
ତାହାଙ୍କୁ କୋଟି ପ୍ରଣାମ ll

ପିତାଙ୍କ ଆଦର ସ୍ନେହ ଶ୍ରଦ୍ଧା ପାଇ
ସଂସ୍କାର ପାଇଲି ଶିକ୍ଷା
ସମାଜ ଭିତରେ ମଣିଷ ପଣିଆ
ଦେଇ ଛନ୍ତି ମୋତେ ଦୀକ୍ଷା।।

ହୋଇ ସାଙ୍ଗ ସାଥି ମୋ ସମ ବୟସ୍କ
କଲି ଗୁଣ ଆହରଣ
ଦୂର୍ଗୁଣ ଉପେକ୍ଷି ସୁଗୁଣ ପରଖି
ସାଇତି ରଖେ ହୃଦେଣ।।

ଚାଟଶାଳୀ ପାଠ ଫିଟାଇଲା ବାଟ
ଆଖି ମୋର ଗଲା ଖୋଲି
ଗୁରୁଜୀ ମୋହର ମହାନ୍ ଈଶ୍ୱର
ସେଦିନ ମୁହିଁ ଜାଣିଲି।।

ଦୁନିଆ ଭିତରେ ମିଶିଲି ସାଥିରେ
ସାନ ବଡ଼ ବହୁ ଜନ
ଭଲ ଗୁଣ ସବୁ ଆହରଣ କଲି
ସଭିଙ୍କୁ ଦେଇ ସମ୍ମାନ ।।

ଜୀବନ ତମାମ ଶିଖି ଚାଲି ଅଛି
ଅନ୍ତ ହୋଇନି ତାହାର
ସମସ୍ତ ଗୁରୁଙ୍କୁ କରେ ପ୍ରଣିପାତ
ଗୁରୁ ହିଁ ଈଶ୍ୱର ମୋର ।।

ଜୟ ଗୁରୁଦେବ

ରାମ ଚନ୍ଦ୍ର ମହାନ୍ତି
ଗ୍ରାମ ବାଣତୁମ୍ବ
ପୋଷ୍ଟ ବେଲଗୁଣ୍ଠା
ଜିଲ୍ଲା ଗଞ୍ଜାମ
ଓଡ଼ିଶା
Pin ୭୬୧୧୧୯