____________ଗୁରୁ_________
ତୁମେ ବ୍ରହ୍ମା ବିଷ୍ଣୁ     ମହେଶ୍ୱର ତୁମେ
        ଜଗତେ ପୂଜିତ ସଦା
ନୂତନ ଦିଗନ୍ତ          ପ୍ରଷ୍ଫୁଟିତ ନେତ୍ର
        ଇଶ୍ଵରୀୟ ପ୍ରୀତି ଗଦା--୧
ଗର୍ବ ଗଉରବ         ଶିକ୍ଷାର ପ୍ରଦୀପ
         ପ୍ରାଚୀନ ଗୁରୁ କୂଳରେ
ପିତୃମାତୃତୁଲ୍ୟ        ସରାଗ ସମ୍ମାନ
         ବିଦ୍ୟା ପ୍ରଦାନ କାଳରେ--୨
ଭକତି ଅନ୍ତରେ        ପାଦତଳେ ତୁମ
         ପ୍ରଣାମ ଦକ୍ଷିଣା ଭଳି
ମହାନୁଭବର           ଆଦର୍ଶ ପ୍ରମାଣ
        ଗୁରୁହେ ଆଶିଷ ତୋଳି--୩
ସଂଯମ ଶୃଙ୍ଖଳ      ମିତବ୍ୟୟୀ ଭାବ
        ଚରିତ୍ର ସଂସ୍କାର ନୀତି
ସମୟାନୁବର୍ତ୍ତି         କର୍ତ୍ତବ୍ୟ ସାରଥି
         ସ୍ନିଗ୍ଧ ଶୀତଳ ଭିତି--୪
କର୍ତ୍ତବ୍ୟ ପରାଣ       କୋମଳ ଶରଣ
          ମଟିପିଣ୍ଡୁଳାର ପରି
ଜୀବନ ଦର୍ଶନ          ହୁଏ ମହିୟାନ
         ତୁମ ପରଶକୁ ଝୁରି --୫
ପ୍ରେରଣାର ଉତ୍ସ     ଉପକାରୀ କୃତ୍ୟ
        ଅନାବିଳ ଭକ୍ତି ଧାରେ
ରାଗ ଅଭିମାନ      କ୍ରୋଧର ବିମାନ
        ଆସିନାହିଁ ତୁମ ସ୍ମରେ--୬
ସତ ଉପଦେଶ        ଭକ୍ତିର ସନ୍ଦେଶ
        ପରମବଂଧୁ ରୂପରେ
ଗୁରୁ ତୁମେ ଉଭା     ଜଗତର ସୋଭା
        ସଦାକାଂକ୍ଷୀ ପ୍ରାଣଧରେ--୭
ସମୟ ସ୍ରୋତର        ବିସ୍ମୃତଗର୍ଭରେ
        ପରିବେଶ     କଳୁଷିତ
ଆଦର୍ଶ ଶିକ୍ଷକ         ଚିର ବିଚାରକ
        ଗୁଣଗ୍ରାହୀ    ବିଶେଷିତ--୮
ଗୁରୁ ତୁମ ପଦେ       ନଇଁଯାଏ ମଥା
        ସବୁତ ତୁମରି ପାଇଁ
ଯୁଗ ଯୁଗ ପାଇଁ       ଆଶିଷ ଦିଅହେ
         ଜଗତ ସୁଖର ସାଇଁ--୯
:::::::::::::::::::+::::::::::::::::::::::
       ଅଶୋକ କୁମାର ପତି
                 ଖଙ୍କିରା, ଢେ଼ଙ୍କାନାଳ
                         ୭୫୯୦୧୬