ଗୁରୁ  ହିଁ ଈଶ୍ୱର
--------------------------------------
ଗୁରୁ ଜନ୍ମ ଦାତା ଗୁରୁ ହିଁ ବିଧାତା
ଅଜ୍ଞାନ ନାଶକ ଗୁରୁ ଜ୍ଞାନଦାତା ।।
ଗୁରୁ ହିଁ ଦିଅନ୍ତି ଈଶ୍ୱରଙ୍କ ସତ୍ତା
ତାଙ୍କ ଠାରୁ ବଡ଼ ନୁହଁନ୍ତି ଦେବତା।।
ଯୁଗେ ଯୁଗେ ଥାଏ ଗୁରୁ ମହାନତା
ଏକଲବ୍ୟ ହେଲେ ଜଗତର ଜିତା।।
ଗୁରୁ ପାଇଁ କୃଷ୍ଣ ହେଲେ ବ୍ରହ୍ମ ରେତା
ଗୁରୁ ପାଇଁ ଜଡ କହିପାରେ କଥା ।।
ଗୁରୁ ପାଇଁ ଶିଷ୍ୟ ଦେଖାଏ ବୀରତା
ଗୁରୁ ପାଇଁ ରାମ ଜିତିଥିଲେ ସୀତା ।।
ପଶୁ ପକ୍ଷୀ ଠାରୁ ଯେତେ ତରୁଲତା
ଗୁରୁ ଦରକାର ହେଲେ ବି ବନିତା ।।
ଗୁରୁ ଭକ୍ତି ବିନା ଶିକ୍ଷା ଅପୂର୍ଣ୍ଣ ତା
ଗୁରୁଦ୍ରୋହୀ ଶିଷ୍ୟ କରେ ବର୍ବରତା।।
ଛୋଟ କଥା ମାନ ରହିବ ସାଧୁତା
ରହିବ ସୁସଂଗ ସୃଷ୍ଟି ହେବେ ଭ୍ରାତା ।।
ଗୁରୁ ହିଁ ଈଶ୍ୱର ଗୁରୁ ତ୍ରାଣକର୍ତ୍ତା
ସଭିଙ୍କୁ ଦିଅନ୍ତି ଉଚିତ୍ ବାରତା ।।
----------------------------------------
ରଞ୍ଜନ କୁମାର ଭୁକ୍ତା (ତାଳଚେର)
ବାଦ ଦଣ୍ଡ ବିଚାରପତି,ଦଣ୍ଡ ମହାସଂଘ ଅନୁଗୋଳ
ମୋ-୯୪୩୯୪୯୮୬୧୫
       ୭୦୯୮୩୯୪୪୮୪