*ଗୁରୁ*
ଦୁଇ ଅକ୍ଷର ଗୁରୁ।
ଭରି ରହିଛି ଅପୂର୍ବ ଜ୍ଞାନ।
ଯେତେ ଖୋଳିବ ସେତେ ବାହାରିବ।

ସମୁଦ୍ରର ଗଭୀରତା ଯେତିକି
ଗୁରୁ ର ଜ୍ଞାନ ସାଗର ବି ଖୁବ୍ ସେତିକି।
ଗୁ ଅର୍ଥ = ଅନ୍ଧାର, ରୁ ଅର୍ଥ = ଆଲୋକ।

ଯିଏ ଅନ୍ଧାରରୁ ଆଲୋକକୁ ଆଣନ୍ତି
ସେ ହେଉଛନ୍ତି ଗୁରୁ। ଅଜ୍ଞାନରୁ ଜ୍ଞାନର ମହତ୍ୱ ଯିଏ ବୁଝାଏ ସେ ଗୁରୁ।

ଅପଢା ପାଠ ଯିଏ ପଢେଇଦେଲା
ସେ ଗୁରୁ। ଯିଏ ଶିକ୍ଷା ଦେଇ ଅଶିକ୍ଷା ଦୂର କରେ ସେ ଗୁରୁ। ଯାହା ଠାରୁ କିଛି ଶିଖିବାକୁ ମିଳିଲା ସେ ଆମର ଗୁରୁ।

ପ୍ରଥମ ଗୁରୁ ମା। ଜନ୍ମ ଦେଲା, ହାତ ଧରିବା,ଚାଲିବା ଶିଖେଇଲା। ସଂସ୍କାର,ସଂସ୍କୃତି,ପ୍ରେମ,ସହାନୁଭୂତି,ସହନଶୀଳତା,ଧୈର୍ଯ୍ୟ ସବୁ କିଛି ଶିଖେଇଲା। ମା ମୁର୍ଖ ହେଉକି ଶିକ୍ଷିତ ହେଉ ସନ୍ତାନ ପାଇଁ ବଡ ଗୁରୁ।

ଦ୍ୱିତୀୟ ଗୁରୁ ବାପା।
ଯିଏ ଆମକୁ ଶାସନ କରେ।
ବିପଦ ସହ ଲଢିବା ପାଇଁ ସାହସ ଦିଏ। ଆମର ଶକ୍ତିକୁ ବଢାଇ ଥାନ୍ତି ସେ ହେଉଛନ୍ତି ବାପା।

ତୃତୀୟ ଗୁରୁ ଶିକ୍ଷକ। ସଫଳତାର 
ମାର୍ଗ ଦର୍ଶକ। ଜୀବନରେ ସିଢି ଚଢିବା ଶିଖେଇ ଦିଅନ୍ତି। ମା ର ସ୍ନେହ,ଶ୍ରଦ୍ଧା ଦିଅନ୍ତି। ବାପା ପରି ସାହାସ ଦିଅନ୍ତି।

ସଂଘର୍ଷ କେମିତି କରିବା ରାସ୍ତା
ଦେଖେଇ ଦିଅନ୍ତି। ସେ ଜ୍ଞାନର ଭଣ୍ଡାର। ଯାହାଙ୍କ ସ୍ଥାନ ସର୍ବ ଉପରେ। ତାଙ୍କ ଠାରୁ ମିଳିଥିବା ଶିକ୍ଷା ହିଁ ଜୀବନରେ ପ୍ରତିଷ୍ଠା କରେ।

ସଦ୍ ଗୁରୁ ହେଉଛନ୍ତି ଆମର 
ଏକ ଗୁରୁ । ସେ ହିଁ ଶ୍ରେଷ୍ଠ, ସେ ହିଁ ଶ୍ରଷ୍ଠା। ଜୀବନର ସଠିକ୍ ମାର୍ଗ ଦର୍ଶକ।

ସମୟ ହେଉଛି ଆମ ଗୁରୁ। ସମୟ ଠାରୁ ମଧ୍ୟ ବହୁତ ଶିକ୍ଷା ମିଳେ।
ନିଜ ଭୁଲ ହେଉଛି ଏକ ଆମ ଗୁରୁ। ଭୁଲ ଦ୍ୱାରା କିଛି ଶିଖିବାକୁ ମିଳେ।

କଳମ ହେଉଛି ମୋ ଗୁରୁ। ବହୁତ ଜ୍ଞାନ ଦିଏ କଳମ। ସବୁବେଳେ ସେ ଛାତି ଉପରେ ରହିଥାଏ।

ଆମ ଚାରିପଟେ ଯେଉଁମାନେ ଅଛନ୍ତି 
ସେମାନେ ବି ଆମ ମହାନ ଗୁରୁ।
ଗଛ,ଲତା,ପାଣି,ପବନ, ପର୍ବତ,ପଶୁ,ପକ୍ଷୀ,ନିର୍ଜୀବ ବସ୍ତୁ ସମସ୍ତଙ୍କ ଠାରୁ କିଛି ନା କିଛି ଶିଖିବାକୁ ମିଳେ।

ଗୁରୁଙ୍କ ଠାରେ ତିନି ଦେବତା
ଦେଖା ଦିଅନ୍ତି -

ଗୁରୁ ବ୍ରହ୍ମା ଗରୁ ବିଷ୍ଣୁ
ଗୁରୁ ଦେବ ମହେଶ୍ୱର
ଗୁରୁ ସାକ୍ଷାତ ପରଂବ୍ରହ୍ମ
ତସ୍ମୈଶ୍ରୀ ଗୁରବେ ନମଃ।


 *କ୍ଷୀରମୋହନ ପଟେଲ
 *ଛିଲିପା,କଳାହାଣ୍ଡି।