- "ଗୁରୁ ହିଁ ଅଟନ୍ତି ଈଶ୍ୱର"

ଗୁରୁ ହିଁ ଅଟନ୍ତି ଈଶ୍ୱର
ଗୁରୁଙ୍କୁ ନ ମଣିବ ନର
ଆଦ୍ୟରେ ପିତା ମାତା ଜାଣ
ପୂଜିବା ତାଙ୍କରି ଚରଣ
କରନ୍ତି ସର୍ଜନା ଆମରି
ପାଳନ୍ତି ବ୍ରହ୍ମା ବିଷ୍ଣୁ ପରି
ସେମାନେ ଆମ ଜନ୍ମ ଦାତା
ଖୁସିରେ ରଖନ୍ତି ସର୍ବଦା
ଦିଅନ୍ତି ସମାଜେ ସଂସ୍କାର
ଗଢ଼ନ୍ତି ପିତୁଳା ଆକାର
ଅଜ୍ଞାନ ଅନ୍ଧକାରୁ ନେଇ
ଜ୍ଞାନର ଆଲୋକ ଦିଅଇ
ସମାଜେ  ପରିଚୟ ଦେଇ
ଆମରି ପାଇଁ  ମରେ ସେଇ
ଦ୍ଵୀତିୟେ ଶିକ୍ଷକ ସମାଜର
କୋଟିଏ ପ୍ରଣିପାତ କର
ଅଟଇ ଦ୍ଵିତୀୟ ଈଶ୍ୱର
ଅଜ୍ଞାନ କରନ୍ତି ସଂହାର
ଛାତ୍ର ବାତ୍ସ୍ୟଲ ନର ହରି
କୂପ ମଣ୍ଡୁକ ପରିହାରି
ଗୁରୁ ଅଟଇ ମହେଶ୍ୱର
ଶିକ୍ଷା ଦିଅନ୍ତି ନିରନ୍ତର
ଅଜ୍ଞାନ ଅନ୍ଧାର ଆକାଶେ
ଜ୍ଞାନର ଆଲୋକ ପ୍ରକାଶେ
ସଂସାରେ ଅଟଇ ସେ ସାର
ମହିମା ଅଟଇ ଅପାର
ରୁହନ୍ତି ଦୃଶ୍ୟ ଆଢୁଆଲେ
ପଥ ଦେଖାନ୍ତି କାଳେ କାଳେ
ତୃତୀୟ ରୂପେ ସଦଗୁରୁ
ଦିଅନ୍ତି ଦୀକ୍ଷା କର୍ଣ୍ଣ ଗୁରୁ
ଉଚିତ ଶିକ୍ଷା ଯେ ଦିଅନ୍ତି
ନୀତି ଅନୀତି ବଖାଣନ୍ତି
ଯା 'ଠାରେ ସର୍ବ ଜ୍ଞାନଠୁଳ
ଅଟନ୍ତି ବ୍ରହ୍ମାଣ୍ଡର ମୂଳ
ଯା'ହାକୁ ଭଜି ନିରନ୍ତର
ପବିତ୍ର ହୁଅଇ ଅନ୍ତର
ସଂସାରେ ଅଛନ୍ତି ଅନେକ
ନ ସରେ ଗଣିଲେ ପ୍ରତ୍ୟେକ
ତା ସଙ୍ଗେ ସଜୀବ ନିର୍ଜୀବ
ସର୍ବେ ଅଟନ୍ତି ଗୁରୁ ଜୀବ
ଯା'ଠାରୁ ଶିଖୁ କିଛି ଜ୍ଞାନ
ବିଦିତ ହୁଅନ୍ତି ପ୍ରଜ୍ଞାନ
ଭାଗବତ ମତେ ଚବିଶି
ଅବଧୂତ ଗଣନ୍ତି ବସି
ସାପ ଠାରୁ ବେଶ୍ୟା ପର୍ଯ୍ୟନ୍ତ
ନ ହୁଏ ଅବସାନ ଅନ୍ତ
ସଭିଏଁ ଆମ ଗୁରୁ ଜାଣ
ରଚନ୍ତି ଆମରି ଭିଆଣ
ଶୁଭ କାମନା କରି ଧ୍ୟାନ
ଦେଇ ଆସନ୍ତି ଗୁଣ ଜ୍ଞାନ
ସଂସାରେ କୁହନ୍ତି ଗୁଣ ଗ୍ରାହୀ
ଅଟନ୍ତି ଆମର ଭାବଗ୍ରାହୀ
ଗୁରୁଙ୍କ ପାଦ ପୂଜାକରି
ହୁଅନ୍ତି ଭବ ସିନ୍ଧୁ ପାରି
ବ୍ରହ୍ମା ବିଷ୍ଣୁ ମହେଶ ତିନି
ଅଭେଦ୍ୟ ଏକ ମୂର୍ତ୍ତି ଘେନି
ଗୁରୁ ଯେ ସର୍ବ ଜ୍ଞାନ ଜାତ
ଇଶ୍ୱରମୟ ସର୍ବଭୂତ
ତା କଥା ଶୁଣିଲେ ସକଳ
ପୂର୍ଣ୍ଣ କାମ ହୁଏ ସଫଳ
ଗୁରୁ ଯେ ଅବ୍ୟକ୍ତ ଈଶ୍ୱର
ଅଟନ୍ତି କରୁଣା ସାଗର
ତା ବିନା ନ ମିଳେ ପୁରସ୍କାର
ସବୁଠି ହୁଏ ତିରସ୍କାର
ଅଟନ୍ତି ରୂପେ ନିରାକାର
କରିବି ସଦା ନମସ୍କାର
ଗୁରୁ ହିଁ ଅଟନ୍ତି ଈଶ୍ୱର ।।



@ଡମ୍ବରୁଧର ବେହେରା (ଓଡ଼ିଆ ଶିକ୍ଷକ)
ଜବାହର ନବୋଦୟ ବିଦ୍ୟାଳୟ
ପାରଳାଖେମୁଣ୍ଡି,ଗଜପତି(ଓଡ଼ିଶା)
ଡାକ ଘର ନଂ -୭୬୧୨୦୧
ଯୋଗାଯୋଗ ନଂ - [୯୪୩୭୭୮୮୪୬୪ ]