::ଗୁରୁ ହିଁ ଇଶ୍ୱର::
  
ଗୁରୁ ହିଁ ଅଟନ୍ତି ସାକ୍ଷାତ ଇଶ୍ୱର,
       ଶକ୍ତି ର ଆଧାର ପୁଣି ।
ଶିଷ୍ୟ ପାଏ ଶକ୍ତି କଲେ ତାଙ୍କୁ ଭକ୍ତି,
       ତାଙ୍କରି ଗୁଣ କୁ ଗୁଣୀ ।।
ଅଜ୍ଞାନ ଅନ୍ଧାରୁ ଟାଣି ସେ ଆଣନ୍ତି,
       ଜ୍ଞାନ ର ଆଲୋକ ଦେଇ ।
ଅହରହ ବିଶ୍ୱେ ଚିନ୍ତା ସେ କରନ୍ତି,
       ଶିଷ୍ୟର ମଙ୍ଗଳ ପାଇଁ ।।
ନିଜେ ଜଳି ଜଳି ଅନ୍ୟ କୁ ଜଳାନ୍ତି,
        ପ୍ରଦୀପ ଶିଖା ଟି ପରି ।
ଜଗତର ହିତ ସାଧନା କରନ୍ତି,
       ଅଜ୍ଞାନ ସମସା ହରି ।।
ଗୁରୁଙ୍କ ଆଶିଷ ଶିଷ୍ୟଙ୍କ ଜୀବନେ,
      ବିଜୟ ର ଉତ୍ସ ହୁଏ ।
ଗୁରୁ ହିଁ ସର୍ବସ୍ବ ସର୍ବ ଶକ୍ତିମାନ,
       ଏହି ବାରତା କୁ ଦିଏ ।।
ସଂସାର ରେ ଗୁରୁ ଅଟନ୍ତି ସ୍ୱତନ୍ତ୍ର,
       ତାଙ୍କ ପରି ନୁହେଁ କେହି ।
ପୂଜା ପାଉଥାନ୍ତି ଶିଷ୍ୟ ଙ୍କ ହୃଦୟେ,
        ଇଶ୍ୱର ସ୍ଥାନ ରେ ରହି ।।
ପ୍ରଣିପାତ ଆଜି ଜଣାଉଛି ଗୁରୁ,
      ପଦ ଯୁଗଳ ରେ ତୁମ ।
ତୁମ ଆଶିଷ ରୁ ଜୀବନ ର ଗତି,
      ପୁଷ୍ପିତ ହେଉ ହେ ମମ ।।

    ✍️ସୁମନ୍ତ ବେହେରା✍️

     🏠ହତାପୁର,ଗଞ୍ଜାମ🏠