●●ମାତା ଅଟେ ଗୁରୁ ::

ପିତା ଅଟେ ଗୁରୁ
ଗୁରୁ ହିଁ ପରମ ତପ
ଗୁରୁ ହିଁ ଈଶ୍ୱର
ଗୁରୁ ସର୍ବେଶ୍ୱର
ସର୍ଵଦା ତାହାଙ୍କୁ ଜପ ।।

ଆଚାର୍ଯ୍ୟ ବି ଗୁରୁ
ପରିବାର ଗୁରୁ
ପ୍ରକୃତି ଅଟଇ ଗୁରୁ
ଧରିତ୍ରୀ ଜନନୀ
ପୁଣ୍ୟ ମହାଗୁରୁ
ସଂସାର ଅଟଇ ଗୁରୁ ।।

ସମ୍ମାନ ଦେଇଣ
ଆରତୀ କରିଣ
ଆଦରି ଅତି ଯତନେ
ଗୁରୁଙ୍କୁ ଈଶ୍ୱର
ହୃଦୟେ ଭାବିବା
ପୂଜିବା ଭକ୍ତି ଭାବନେ ।।

ଆଶିର୍ବାଦ ମିଳେ
ଅରଚନା କଲେ
ସବୁ ଦୁଃଖ ଦୂର ହେବ
ଅସମ୍ମାନେ ତାଙ୍କୁ
କଷ୍ଟ ଯଦି ଦେବା
ଅଭିଶାପ ପ୍ରାପ୍ତ ହେବ ।।

ବନ୍ଧୁର ପଥକୁ
କରନ୍ତି କୋମଳ
କଣ୍ଟା ପଥ ସାଜେ ଫୁଲ
ଅମା ଅନ୍ଧକାରୁ
ଆଲୋକିତ କରି
ଶତ୍ରୁ ନାସିବାର ଢାଲ ।।

ଗୁରୁ ଅଟେ ଶ୍ରେଷ୍ଠ
ଗୁରୁଟି ସର୍ବସ୍ୱ
ମାନବ କଲ୍ୟାଣ ପାଇଁ
ତାଙ୍କ ଆଶିଷରେ
ନତମସ୍ତକ ମୁଁ
ଦ୍ବୀପ ନୈବେଦ୍ୟ ଯେ ଦେଇ ।।

ଏ ସାରା ସଂସାର
ବିଶ୍ୱ ବ୍ରହ୍ମାଣ୍ଡ ବି
ତାଙ୍କରି କରୁଣା ପାଏ
ଗୁରୁ ବ୍ରହ୍ମା ଗୁରୁ
ବିଷ୍ଣୁ ନାମ ନେଇ
ଜଗତ ଉଦ୍ଧାର ହୁଏ ।।

💐💐💐💐💐💐💐💐💐💐

ତପନ କୁମାର ଦାଶ
ଶିକ୍ଷକ,କଳାହାଂଡି
୯୪୩୮୪୧୫୯୫୫