::-ଗୁରୁ ହିଁ ଇଶ୍ୱର ::
****************
ମାଁ ବୁଆ ମୋର୍ ପହେଲା ଗୁରୁ
ମାଁ ବୁଆ ମୋର୍ ଇଶ୍ଵର
ମାଁ ବୁଆର୍ ଲାଗି ସଂନ୍'ସାର୍ ଦେଖଲି
ମାଁ ବୁଆ କେ ନାଇଁ କରେଁ ପର....୧

ମାଁ ବୁଆ ମୋର୍ ସେବା ଲାଗି
କରିଛନ୍ କେତେ ଦାନ୍
ଚଲନ୍ତି ଈଶ୍ୱର ମାଁ ବୁଆ
ପାଦ୍ ତଲେଁ ମୁଣ୍ଡିଆ ମାଁ ବୁଆ ମହାନ୍....୨

ଶିକ୍ଷା ଗୁରୁ ଦେଖାସନ ମତେ
କେଡେ ସୁନ୍ଦର୍ ନୁଆଁ ବାଟ
ତାକର୍ ବାଟେ ଚାଲ୍'ଲେ ମୁଇଁ
ହେମି ନିଶ୍ଚେ ଭଲ ଚାଟ......୩

ଶିକ୍ଷା ଗୁରୁ ମୋର୍ ଇଶ୍ଵର୍
ଶିକ୍ଷା ଗୁରୁ ମୋର୍ ଠାକୁର୍
ତାକର୍ ପାଦ୍ ତଲେଁ ମୁଣ୍ଡିଆ
ତାକର୍ ଆଶ୍ରିବାଦ୍ ଆଏ କର୍ପୁର୍....୪

ଦିକ୍ଷା ଗୁରୁ ନାମ୍ ଦେଇଛନ୍
ଭଲ୍ କର୍ମ କର
ଦିକ୍ଷା ଗୁରୁ କୁ ସରନ୍
ଉପାସ୍ ବ୍ରତ ପାଳନ କର.....୫

ଗୁରୁ ବ୍ରହ୍ମା ଗୁରୁ ବିଷ୍ଣୁ
ଗୁରୁ ଦେବ ମହେଶ୍ଵର୍
ଗୁରୁ ଏକା ପରମବ୍ରହ୍ମ
ସାକ୍ଷାତ ଇଶ୍ଵର୍
ଗୁରୁ ଗ୍ୟାନର ଭନ୍ଡାର୍
ଗୁରୁ ପାଦେ ନମସ୍କାର.....୬

ଗୁରୁ ନି କଲେଁରେ ଅର୍ଜୁନ
କେନ୍ ପାଏବୁ ଦିବ୍ୟ ଗ୍ୟାନ୍
ଗୁରୁ କର୍ ଗୁରୁ କର୍
ଗୁରୁ ହଉଛେ ଚଲନ୍ତି ଈଶ୍ୱର...୭

ସତ୍ୟ ଧର୍ମ ଦୟା କ୍ଷମା
ଏ ଯୁଗର ମହିମା
ଶାନ୍ତି ମୁକ୍ତି ମୈତ୍ରୀ ପ୍ରିତି
ଗୁରୁ ଠାନୁ ଶିଖ୍'ମା......୮

ଭଣ ଗୁରୁ ବି ଅଛନ୍ ଇହାଦେ
ଲାଲ୍'ଟିନ୍ ଦେଖାସନ୍ ଦିନେ
ହେନ୍ତା ଗୁରୁ କେ ଲାତ୍ ବିଧା
କୁକୁର୍ ଏକ କରୁ ତାର୍ କାନେ....୯

ଗୁରୁ ହିଁ ଇଶ୍ୱର ଇଟା ସତ୍ କଥା
ଗୁରୁ ପାଦେଁ ଆଶ୍ରା କର
ଗୁରୁ ବିନା ନାହିଁ ମୁକ୍ତି
ଭଗବାନ୍ ବି ଗୁ୍ରୁ ର ଅବତାର...୧୦
*************************

ଶ୍ରୀଯୁକ୍ତ ପରେଶ କୁମାର ପରୁଆ (କନିଷ୍ଠ ଶିକ୍ଷକ)ନୁଆପଡା
ସୁଭଦ୍ରା ନିବାସ୍ 🏠 ବିଶିପାଲି
ଜମଲା ପଦମପୁର୍ ବରଗଡ