:: ଗୁରୁ ହିଁ ଈଶ୍ୱର ::
ଗୁରୁ ହିଁ ତ ବାପା ଗୁରୁ ହିଁ ତ ମାଆ
ଗୁରୁ ଅଟନ୍ତି ଈଶ୍ୱର
ଗୁରୁ ବିନା ଆଉ ଦମ୍ଭ କାର କାହୁ
ମଣିଷ ଟେ ଗଢିବାର ।।
ମୂର୍ଖ କୁ ପଣ୍ଡିତ କରିଥାନ୍ତି ଯିଏ
ସେଇତ ଅଟନ୍ତି ଗୁରୁ
ତାଙ୍କ ବିନା କେହି ଜ୍ଞାନ ପାଇଁ ନାହି
ଯେତେ ଯାହା ସିଏ କରୁ ।।
ମାଟି ରୁ ନେଇ ସେ ମାଠିଆ କରି କି
ଛିଡ଼ା କରାନ୍ତି ସଂସାରେ
ଗୁରୁ ସମତୁଳ ଅଛି କିଏ ଆଉ
ଏତେ ବଡ଼ ସଂସାର ରେ ।।
ଗୁରୁଙ୍କର ମୂଳ ଅମୂଳ ସେ ମୂଳ
ଦେଇ କେ ପାରିବେ ନାହିଁ
ସାତ ଜନ୍ମ ଯାଏ ଜନ୍ମ ନେଲେ ମଧ୍ୟ
ପରିଷୋଧ ହେବ କାହି ।।
ଗୁରୁଙ୍କର ନିନ୍ଦା କରିଥାଏ ଯିଏ
ନର୍କରେ ହୁଏ ତା ବାସ
ଗୁରୁ ବିନା ମୁକ୍ତି ଏ ଜୀବନେ କାହି
କାହିଅବା ତାର ଯଶ ।।
ସୌମ୍ୟ ରଂଜନ ତ୍ରିପାଠୀ
ଟେଙ୍ଗରା ପଥର,ଖପ୍ରାଖୋଲ,
ବଲାଙ୍ଗିର
0 Comments