Sahitya Jibana

Portal on odia literature

ରଜପର୍ବ – ଶକୁନ୍ତଳା ମହାପାତ୍ର 

1 min read

କର୍ମମୟ ଏଇ

ଜୀବନ ବୁକୁରେ

ବିଶ୍ରାମ ନିହାତି ଜରୁରୀ,

କୁଆଁରୀ ମନର

ମିଠା ଭାବନା କୁ

ବସୁମତୀ ନିଏ ଆଦରି l

 

ପହିଲି ରଜର

ପ୍ରଥମ ସ୍ପର୍ଶ ରେ

ସଜବାଜ ହୁଏ କୁଆଁରୀ,

ସଦ୍ୟସ୍ନାତା ପରି

ଲାଗୁଥାଏ ଅବା

ବସୁମତୀ ମାତା ଆମରି l

 

ଶସ୍ୟ ଶାମଳା

ଚଷା ଭାଇ ପାଇଁ

ନିଆରା ଏ ପରମ୍ପରା,

ସାରା ଦୁନିଆ କୁ

ଲହୁ ଲୁହ ଢାଳି

ଆହାର ସେ ଦିଏ ପରା l

 

ଭୂମିଦହନ କୁ

ବସୁମତୀ ସ୍ନାନ

ଓଡିଶା ମାଟିର ଆହ୍ୱାନ,

ପିଠା ପଣା ପାନ

ରଜ ଦୋଳି ସଂଗେ

ଧରା ହୁଏ ଶୁଦ୍ଧ ସ୍ନାହାନ l

 

ଶକୁନ୍ତଳା ମହାପାତ୍ର 

ବଜ଼ାର ସାହି

ଖଣ୍ଡପଡା

Leave a Reply