Sahitya Jibana

Portal on odia literature

ଆସିଛି ରଜ ପର୍ବ – ସୁବାସ ଚନ୍ଦ୍ର ସାହୁ

1 min read

ଜ୍ୟେଷ୍ଠ ଶୁକ୍ଳ ପକ୍ଷ ତୃତୀୟା ତିଥିରେ

ପଡ଼ଇ ରଜ ପରବ

ଓଡ଼ିଶା ମାଟିର ଓଡ଼ିଆଙ୍କ ପ୍ରାଣେ

ଆଣଇ ଗର୍ବ ଗୌରବ ।

ବାର ମାସେ ତେର ପରବ ଆମର

ଆମେ ଯେ ଓଡ଼ିଆ ଜାତି

ରଜ ପର୍ବ ଅଟେ ସବୁଠୁ ନିଆରା

ଅଟଇ ଆମ ସଂସ୍କୃତି ।

ଘରେ ଘରେ ପିଠା ପ୍ରସ୍ତୁତ କରନ୍ତି

ପିନ୍ଧନ୍ତି ନୂଆ ପୋଷାକ

ଗାଁଆ ଝିଅ ମାନେ ଦୋଳି ଯେ ଖେଳନ୍ତି

ହୋଇ ବଡ କଉତୁକ ।

ବସୁମତୀ ମାତା ହୋଇ ରଜସ୍ଖଳା

ଶୁଦ୍ଧି ହୁଅନ୍ତି ଯେଦିନ

ଚାଷୀ ଭାଇ ଚାଷ କରି ଅନୁକୂଳ

ବୁଣନ୍ତି ସଅଳେ ଧାନ ।

ଗାଁଆଠୁ ସହର ଅବା ପୁର ପଲ୍ଲୀ

ଦିଶଇ ବଡ଼ ସୁନ୍ଦର

ଲିପି ପୋଛା ଆଉ ଖେଳ କଉତୁକେ

ଦୁଃଖ ହୋଇଯାଏ ଦୂର ।

ପୁଅ ମାନେ ମିଶି ତାଆସ ଖେଳନ୍ତି

ମଜା ଲାଗେ ହସଖୁସି

ବୁଢ଼ାଠୁ ଭେଣ୍ଡିଆ କିବା ଛୋଟ ପିଲା

ନାଚୁଥାନ୍ତି ହସି ହସି ।

ପାନ ଖିଲ ଲାଗେ ସବୁଠୁ ନିଆରା

ଭୋଜି ଭାତ ଲାଗେ ମଜା

ଏହି ମଜା ପାଇଁ ଆସନ୍ତି ସମସ୍ତେ

କିବା ଆଈ କିବା ଅଜା ।

ରହିଛି ଏ ପର୍ବ ଅନାଦି କାଳରୁ

ରହିଥାଉ ସଦାବେଳେ

ଓଡ଼ିଆ ଜାତିର ମହତ ସଂସ୍କୃତି

ହସୁଥାଉ କାଳେ କାଳେ

****************************

ସୁବାସ ଚନ୍ଦ୍ର ସାହୁ

ଚିକିଟି ପେଣ୍ଠ,ଜିଲ୍ଲା- ଗଞ୍ଜାମ

 

Leave a Reply